ភ្នំពេញ ៖ កាលពីរសៀលថ្ងៃទី១០ ខែមករា ឆ្នាំ២០១៧ បាននាំគ្នាឈប់យានយន្តចោមរោមមើលពស់ថ្លាន់ញីឈ្មោលមួយគូ កំពុងលូនប្រឡែងគ្នាកាត់ទឹកសម្អុយក្រោមស្ពានស្ទើរស្ទះចរាចរណ៍។ពេលនោះកម្លាំងអាជ្ញាធរសង្កាត់ស្ទឹងមានជ័យជាច្រើននាក់បានចំណាយពេលជាច្រើនម៉ោងទើបចាប់បានពស់ថ្លាន់ទាំងពីរក្បាលនាវេលាម៉ោង១រំលងអធ្រាត្រ ឈានចូលថ្ងៃទី១១ មករា ឆ្នាំ២០១៧ ។
ប្រជាពលរដ្ឋបានឲ្យដឹងថា ពស់ថ្លាន់ទាំង២ក្បាលនេះធំៗប៉ុនកំភួនជើងហើយក្រោយពីចាប់បានយកទៅថ្លឹងឃើញពស់ឈ្មោលមានទម្ងន់១៨គីឡូក្រាម និងពស់ញីមានទម្ងន់២១គីឡក្រាមព្រោះពស់ញីកំពុងផើមនិងមានប្រវែងប្រមាណ២ម៉ែត្រដូចគ្នា ។
បច្ចុប្បន្ន ពស់ថ្លាន់ញី-ឈ្មោលមួយគូនេះ ត្រូវបានអាជ្ញាធរសង្កាត់ស្ទឹងមានជ័យយកមករក្សាទុកនៅសាលាសង្កាត់ រង់ចាំប្រគល់ជូនទៅអាជ្ញាធរអភិរក្សសត្វព្រៃភ្នំតាម៉ៅមកទទួលយកទៅថែរក្សាតាមបច្ចេកទេសនៅសួនសត្វនោះ ៕ អូន ធួក
