ភ្នំពេញ៖ក្រោយពីធ្វើការសើបអង្កេតស្រាវជ្រាវរបស់លោកវរៈសេនីយ៍ឯក ម៉ក់ ហុង អធិការនគរបាលខណ្ឌសែនសុខបានចាប់ឃាត់ខ្លួនជនសង្ស័យចំនួន៥នាក់នៅទីតាំងដែលមានយីហោកាត់សក់ My home ពីបទប្រើប្រាស់គ្រឿងញៀន។ហេតុការណ៍បង្ក្រាបនេះបានកើតឡើងកាលពីវេលាម៉ោង១១:៣០នាទីព្រឹកថ្ងៃទី១២ខែមករាឆ្នាំ២០១៧ស្ថិតនៅហាងកាត់សក់យីហោកាត់សក់ My home ក្នុងភូមិព្រៃខ្លារង្កាត់ក្រាំងធ្នង់ខណ្ឌសែនសុខ។
បន្ទាប់ពីក្រសួងមហាផ្ទៃបានប្រជុំជាមួយអគ្គស្នងការនគរបាលជាតិទប់ស្កាត់បទល្មើសបង្ក្រាបគ្រឿងញៀនកុំឲ្យមាននៅក្នុងប្រទេសកម្ពុជាកម្លាំងនគរបាលខណ្ឌសែនសុខ ដឹកនាំដោយលោកវរៈសេនីយ៍ឯក ម៉ក់ហុងអធិការនគរបាលខណ្ឌបានចុះតាមដានស្រាវជ្រាវគ្រប់ច្រកល្ហកក្នុងមូលដ្ឋានរបស់ខ្លួន រហូតដល់ចាប់បានជនសង្ស័យចំនួន៥នាក់ស្ថិតនៅទីតាំងខាងលើ ដោយក្នុងនោះមានអ្នកប្រើប្រាស់និងជួញដូរគ្រឿងញៀន៤នាក់នឹងម្នាក់ទៀតជាអ្នកផ្ដល់ទីតាំង។ រហូតមកដល់ពេលនេះកម្លាំងនគរបាលខណ្ឌសែនសុខស្រាវជ្រាវចាប់ឃាត់ខ្លួនជនសង្ស័យចំនួន២នាក់បន្ថែមទៀតស្ថិតនៅប៉ុស្តិ៍រដ្ឋបាលសង្កាត់ភ្នំពេញថ្មី។
បច្ចុប្បន្ននេះជនសង្ស័យចំនួន៧នាក់ត្រូវកម្លាំងនគរបាលខណ្ឌសែនសុខកំពុងសាកសួរនិងកសាងសំណុំរឿងបញ្ជូនទៅទៅកាន់តុលាការចាត់ការតាមផ្លូវច្បាប់៕សារ៉េត