ភ្នំពេញ ៖ បុរស៣នាក់ដែលគេដឹងថា ជាទាហានកងពលតូច ៧០ ប្រហែលទំនងជាស្រវឹងជិះម៉ូលឿន ជ្រុលទៅបុកពីក្រោយ រថយន្តឡិចស៊ី RX 300 មួយគ្រឿងដែលគេកំពុងបើកយឺតអែបខាង។
ហេតុការណ៍គ្រោះថ្នាក់ចរាចរណ៍នេះកើតឡើង នៅវេលាម៉ោង ១០ និង ៣០នាទីយប់ថ្ងៃទី ១៨ខែមករា ឆ្នាំ២០១៧ ស្ថិតនៅតាមបណ្តោយផ្លូវសហព័ន្ធរ៉ុស្សី
មុខហាង ភីហ្សាខមភេននី ក្នុងភូមិជ្រៃកោង សង្កាត់ចោមចៅ ខណ្ឌពោធិសែនជ័យ ។
ជនរងគ្រោះទាំង៣នាក់មិនត្រូវបានគេស្គាល់អត្តសញ្ញាណនោះឡើយដោយគ្រាន់តែដឹងថាជាទាហ៊ាននៅកងពលតូច៧០ ជិះម៉ូតូម៉ាក ស្ស៊ុស៊ីគីឡេត ពណ៌ស ភ្នំពេញ 1AJ-4879 ។
តាមប្រភពពីសន្តិសុខម្នាក់នៅយាមហាង ភីហ្សារ បានអោយដឹងថា នៅមុនពេលកើតហេតុ មានរថយន្ត ឡិចស៊ីស RX 300 មួយគ្រឿងពណ៌សមិនចាំស្លាកលេខ បើកបរតាមបណ្តោយផ្លូវសហព័ន្ធរ៉ុស្សីក្នុងទិសដៅពីកើតទៅលិច យឺតប្រហែលជានិយាយទូរស័ព្ទ ខណៈមកដល់ចំណុចកើតហេតុស្រាប់តែមានម៉ូតូរងគ្រោះជិះមកពីក្រោយស្របទិស
គ្នា បានទៅបុកចំពីក្រោយទាំងកម្រោល បណ្តាលអោយ២នាក់រងរបួសធ្ងន់នឹងម្នាក់ទៀតរងរបួសស្រាល ។ហើយភ្លាមៗនោះម្ចាស់រថយន្តឡិចស៊ីស បានចុះមើលជនរងគ្រោះដែរ តែដោយឃើញសភាពរបួសធ្ងន់ធ្ងរពេល បានឡើងរថយន្តបើកចេញទៅបាត់។
ក្រោយកើតហេតុ ជនរងគ្រោះត្រូវបានរថយន្តសង្គ្រោះរបស់ក្លីនិក រស្មី ដែលពីមុនឈ្មោះក្លីនិក ឃឹម រ៉ានី មកដឹកទៅសង្គ្រោះ តែដោយជនរងគ្រោះជាទាហ៊ាន កងពល៧០ ទើបរថយន្តសង្គ្រោះ ៧១១ របស់កងពល៧០មក ដឹកបន្តពីក្លីនិកទៅសង្គ្រោះនៅមន្ទីរពេទ្យកេតុមេលា។ចំណែកម៉ូតូជនរងគ្រោះត្រូវបានខាងកងពលដឹកយកទៅរក្សាទុកដោយខ្លួនឯង៕សារ៉េត