រថភ្លើងបើកបុក ក្រឡាប់គៀបជាប់ អ្នកបើកបរស្ទុះលោតចេញព្រលឹងចចុងសក់ហេីយរត់បាត់

0
128

 ភ្នំពេញ ៖ ម៉ូតូកង់បីឥណ្ឌាមួយគ្រឿង អ្នកបើកបរមិនបានប្រយ័ត្ន ខណៈដែលបើកឆ្លងផ្លូវដែក ត្រូវបានរថភ្លើង ដឹកអ្នកដំណើរបើកបុករុគកល់គៀបជាប់ អ្នកបើកបរម៉ូតូកង់បីផ័យ ស្ទុះលោតចុះ រត់គេចខ្លួនបាត់កាលពីវេលាម៉ោង១០និង៣០នាទីព្រឹក ថ្ងៃទី១៤ ខែកក្កដា ឆ្នាំ២០១៩ ស្ថិតនៅ ចំណុចផ្លូវដែក ភូមិដីថ្មី សង្កាត់គោកឃ្លាង ខណ្ឌសែនសុខ ។

តាមប្រជាការពារសង្កាត់គោកឃ្លាង បានឲ្យដឹងថា មុនកើតហេតុ គេឃើញម៉ូតូកង់បីឥណ្ឌា ពណ៌លឿង ពាក់ស្លាកលេច ភ្នំពេញ 1GS-3933 បានបើកតាមផ្លូវលំ ក្នុងភូមិដីថ្មី ឆ្លងផ្លូវដែក គោលបំណងឆ្លងទៅផ្លូវម្ខាងទៀត ចូលភូមិប៉ប្រ៉កជើង សង្កាត់កាកាប១ ខណ្ឌពោធិសែនជ័យ ប៉ុន្តែអ្នកបើកបរម៉ូតូកង់បី មុនឆ្លងកាត់ផ្លូវដែក មិនបានមើលឆ្វេងស្តាំ ក៏ត្រូវបានរថភ្លើង ខ្សែដឹកអ្នកដំណើរ ចូលព្រលាន ដែលបើកពីកើតទៅលិច បុករុញក្រឡាប់កល់គៀបជាប់នឹងក្បាលរថភ្លើង អ្នកបើកម៉ូតូ កង់បីមិនមានរងគ្រោះ ភ័យព្រលឹងចុងសក់ ស្ទុះលោតចុះ រត់គេចខ្លួនបាត់ស្រមោល ។ ក្រោយកើតហេតុ សមត្ថកិច្ចមូលដ្ឋាន ចុះទៅពិនិត្យដល់ចំណុចខាងលើ សល់តែម៉ូតូកង់បី ម្ចាស់គេចខ្លួន ត្រូវបានសមត្ថកិច្ច យកម៉ូតូកង់បីទៅរក្សាតុកនៅ ផ្នែកជំនាញ អធិការដ្ឋានខណ្ឌសែនសុខ បន្តស្រាវជ្រាវរកម្ចាស់មកដោះស្រាយ ចំណែកឯរថភ្លើង បន្តបើកដឹកភ្ញៀវឆ្ពោះចូលទៅព្រលានយន្តហោះពោធិចិនតុង ៕ នូសភ័ក្រ

LEAVE A REPLY

Please enter your comment!
Please enter your name here