ជនជាតិអាល្លឺម៉ង់ម្នាក់ធ្វើអត្តឃាតស្លាប់ស្អុយក្នុងផ្ទះ​សំណាក់​យីហោ White River

0
179

​ភ្នំពេញ ៖  បុរស​ជនជាតិ​អា​ល្លឺ​ម៉​ង់​ម្នាក់​បាន​ធ្វើ​អត្តឃាតស្លាប់ទាល់តែស្អុយទើបដឹង​បង្ក​ឱ្យ​មានការ​ភ្ញាក់ផ្អើល​កើតឡើង​កាលពី​វេលា​ម៉ោង​១០ និង​៣០​នាទី​ព្រឹក ថ្ងៃ​ទី​២១ ខែមករា ឆ្នាំ​២០១៧ នៅ​ក្នុង​បន្ទប់​ជាន់​ទី​២ ក្នុងផ្ទះ​សំណាក់​យីហោ White River ផ្ទះ​លេខ​១៤២A5-១៤២A6 ផ្លូវ​លេខ​១៧២ សង្កាត់​ជ័យ​ជំនះ ខណ្ឌដូនពេញ ។

សមត្ថកិច្ចនគរបាលមូលដ្ឋានបានឱ្យ​ដឹង​ថា បុរស​រង​គ្រោះ​ឈ្មោះ TEICH MICHAEL អាយុ​៥២​ឆ្នាំ ជនជាតិ​អា​ល្លឺ​ម៉​ង់ ជា​អ្នក​ទេសចរណ៍ ។មុន​ពេល​កើតហេតុ បុគ្គលិក​បម្រើ​ការ​នៅ​ក្នុងផ្ទះ​សំណាក់​នេះបាន​ធំុក្លិន ស្អុយ​យ៉ាង​ខ្លាំង ក៏​នាំ​គ្នា​ដើរ​ឆែកឆេរមកដល់ជាន់​ទី​២ ក៏​បានឃើញសពជនរងគ្រោះនៅបិទទ្វារ​ចាក់សោជាប់​​ក្នុង​បន្ទប់​​មាន​សភាព​ហើម និង​ស្អុយ​យ៉ាង​ខ្លាំង ។

សមត្ថកិច្ចជំនាញ​បានអះអាងថា បុរស​ជា​ជាតិ​អា​ល្លឺ​ម៉​ង់​រង​គ្រោះ​បាន​ស្លាប់​ដោយសារ​តែ​ការ​ធ្វើ​អត្តឃាត​សម្លាប់​ខ្លួនឯង​ដោយ​បាន​ចូល​ទៅ​ក្នុង​បន្ទប់ទឹក​បិទទ្វារ រួច​យក​ធ្យូង​អនាម័យ​ទៅ​ដុត​បង្ក​ជា​ផ្សែង​បណ្តាល​ឲ្យ​ថប់ដង្ហើម​ដោយសារគ្មានអុកស៊ីហ្សែន ៕ អូន ធួក

 

LEAVE A REPLY

Please enter your comment!
Please enter your name here