រឿងគ្រោះថ្នាក់ចរាចរណ៍ ដកកាំភ្លើងវ៉ៃគេ នគរបាលឃាត់ខ្លួន

ភ្នំពេញ៖  នៅយប់ ថ្ងៃទី០៧ ខែកញ្ញា ឆ្នាំ២០១៩ ទីតាំងស្ថិត នៅតាមបណ្ដោយផ្លូវព្រះនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ គ្រាន់តែរឿងគ្រោះថ្នាក់ចរាចរណ៍សោះ បែរជាបុរសម្នាក់ដកកាំភ្លើងវាយបុរសម្នាក់ផ្សេងទៀត ដែលជាភាគីទំនាស់ បណ្ដាលឲ្យរងរបួសក្បាល នៅសង្កាត់ទន្លេបាសាក់ ខណ្ឌចំការមន។

សាក្សីបានឲ្យដឹងថា នៅមុនពេលកើតហេតុ ពួកគេទើបតែចេញពីហូបបាយ និងកំពុងតែជិះម៉ូតូត្រឡប់ទៅផ្ទះវិញ លុះមកដល់ចំណុចមុខស្ថានទូតគុយវ៉ែត ស្រាប់តែសង្សាររបស់ខ្លួន បើកម៉ូតូមួយគ្រឿងម៉ាក HONDA PCX ពណ៌ស ពាក់ស្លាកលេខភ្នំពេញ 1GQ-2449 ក្នុងស្ថានភាពស្រវឹងក៏ជ្រុល ទៅបុកម៉ូតូមួយគ្រឿងម៉ាក HONDA DREAM ពណ៌ខ្មៅពាក់ស្លាកលេខ ភ្នំពេញ1FR-1386 បើកបរដោយបុរសម្នាក់ បណ្ដាលឲ្យដួលទៅនឹងថ្នល់។ ភ្លាមៗនោះបុរសដែលជាម្ចាស់ម៉ូតូ HONDA DREAM បានងើបមកវាយបុរសដែលជាម្ចាស់ម៉ូតូ HONDA PCX ជាច្រើនដៃ និងបានដកកាំភ្លើងខ្លី វាយចំក្បាលបណ្ដាលឲ្យរងរបួសហូរឈាម ក៏ត្រូវបានរថយន្តសង្រ្គោះបន្ទាន់ ដឹកយកទៅមន្ទីរពេទ្យផងដែរ។

សមត្ថកិច្ចមូលដ្ឋាន បានដឹងជនបង្ត្រូវបាននាំខ្លួនទៅអធិការដ្ឋាននគរបាលខណ្ឌចំការមន ដើម្បីធ្វើការសាកសួរនិងអនុវត្តតាមនីតិវីធី ៕  អូន ធួក

Leave a Reply

Your email address will not be published. Required fields are marked *