ឃើញ​គេ​ដើរ​ម្នាក់​ឯង​លែបខាយ​សំដី​ឈ្លាត​ឱកាស​ឆក់ទូរស័ព្ទរត់មិនរួចចាប់បានវាយទ្រមខ្លួនទើបប្រគល់អោយសម្ថកិច្ច

0
185

 

 

 

ភ្នំពេញ៖​ ជនសង្ស័យម្នាក់បន្ទាប់ពីឃើញ​នារី​ជា​កម្មករោងចក្រដើរម្នាក់ឯងហើយសុំថើបមួយខ្សឺតតែនាងមិនព្រមក៏ធ្វើសកម្មភាពឆក់ទូរស័ព្ទហើយព្យាយាមរត់គេចខ្លួនតែត្រូវជនរងគ្រោះស្រែកថាចោរៗ​បង្ក​អោយ​មាន​ភ្ញាក់ផ្អើលដល់​អ្នក​ធ្វើដំណើរ​ដេញ​តាម​ចាប់​បាន​មក​វិញ​វាយទ្រមខ្លួនប្រគល់​ទើប​ប្រគល់​អោយ​កម្លាំង​នគរបាល​។​ហេតុការណ៍​នេះ​បាន​កើត​ឡើង​កាលពីវេលាម៉ោង៩និង២០នាទីយប់​ ថ្ងៃទី២៤​ ខែមករាឆ្នាំ២០១៧​នៅចំណុចផ្សារទួលពង្រ​ ភូមិទួលពង្រ​ សង្កាត់ចោមចៅ​ ខណ្ឌពោធិ៍សែនជ័យ​។
​ ជនរងគ្រោះត្រូវបានគេស្គាល់​ឈ្មោះឆន​ស្រីមុំ​ ភេទស្រីអាយុ១៧​ ឆ្នាំមុខរបរធ្វើការរោងចក្រ​ ស្នាក់នៅផ្សារទួលពង្រ​ សង្កាត់ចោមចៅ​ ខណ្ឌពោធិ៍សែនជ័យមានស្រុកកំណើតនៅ ភូមិអង្គខ្លី​ ឃុំ​ តាមែង​ ស្រុកឈូក​ខេត្តកំពត់​។​ចំណែកទូរស័ព្ទដែលត្រូវជនសង្ស័យឆក់ម៉ាកសាំសុង​ ។ ដោយឡែកជនសង្ស័យមាន​ឈ្មោះណែម​ សុនលី​ ភេទប្រុសអាយុ២៧​ ឆ្នាំ​ មុខរបជាងដែក​ ស្នាក់នៅផ្សារទួលពង្រ​ សង្កាត់ចោមចៅ​ ខណ្ឌពោធិ៍សែនជ័យ។
​ តាម​សម្ដី​របស់​ជនរគ្រោះបានអោយដឹងថា​ នៅមុនពេលកើតហេតុរូបនាងបានទៅបញ្ចូលចម្រៀងនៅជិះបន្ទប់ជួលក្នុងផ្សារទួលពង្រ​ ក្រោយមកទើបនាងបានដើរម្នាក់ឯងមកបន្ទប់ជួលវិញ​ ខណៈ​មកជិតដល់បន្ទប់ស្រាប់តែមានជនសង្ស័យម្នាក់ខាង​លើ​មក​លែបខាយ​សំដី​ពីក្រោយហើយបានសុំនាងថើបមួយខ្សឺត​ ពេលនោះនាងមិនទាន់និងឆ្លើយថាព្រមរឺមិនព្រមផងស្រាប់តែជននោះឆក់យកទូរស័ព្ទពីដៃហើយរត់ទៅយកម៉ូតូជិះរត់តែត្រូវនាងស្រែកថាចោរៗទើបធ្វើអោយប្រជាពលរដ្ឋដែលនៅក្បែរដេញចាប់បានហើយវាយទ្រមខ្លួនទើបប្រគល់អោយ​កម្លាំង​នគរបាល​។
​ ក្រោយពេលកើតហេតុជនសង្ស័យត្រូវបាន​កម្លាំង​នគរបាល​យកទៅប៉ុស្តិ៍ចោមចៅធ្វើការសាកសួក​និង​កសាងសំណុំរឿងបញ្ជូនទៅអធិការដ្ឋាននគរបាលខណ្ឌដើម្បី​ចាត់ការ​តាម​ផ្លូវ​ច្បាប់​៕​សារ៉េត​

 

 

 

LEAVE A REPLY

Please enter your comment!
Please enter your name here