ខេត្តកណ្ដាល៖ បុរសម្នាក់បានស្លាប់ដោយគ្រោះថ្នាក់ចរាចរណ៍ កាលពីវេលាម៉ោង១២និង៤៥នាទីរសៀល ថ្ងៃទី២៤ ខែមករា ឆ្នាំ២០១៧នេះ នៅចំណុចលើផ្លូវជាតិលេខ១គីឡូម៉ែត្រលេខ៥៣-៥៤ ស្ថិតក្នុងភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្តាល ។
សាក្សីបានឲ្យដឹងថា ករណីនេះបង្កឡើងដោយរថយន្តម៉ាកHYUNDAI ពណ៌ស ពាក់ស្លាកលេខ ហ ០១២០ ភព៣ បានបុកម៉ូតូជនរងគ្រោះឈ្មោះផុង កែវ ភេទប្រុស អាយុ ៤៧ឆ្នាំ ជនជាតិខ្មែរមានទីលំនៅភូមិពោធិ៍ ឃុំថ្កូវ ស្រុកកំពង់ត្របែក ខេត្តព្រៃវែង ស្លាប់នៅនិងកន្លែងកើតហេតុ ពេលជនរងគ្រោះបើកម៉ូតូម៉ាកហុងដាប៉ិចពណ៌ខ្មៅសេរី២០១២ ពាក់ស្លាកលេខភ្នំពេញ1BF-4393 ទិសដៅពីភ្នំពេញទៅអ្នកលឿង។
ក្រោយកើតហេតុសមត្ថកិច្ចមូលដ្ឋានទៅដល់បានត្រឹមវាស់វែង និងហៅក្រុមគ្រួសារសព មកទទួលសពយកទៅធ្វើបុណ្យតាមប្រពៃណីនៅគេហដ្ឋាន គ្រាដែលអ្នកបើកបររថយន្តបង្ក គេចខ្លួនបាត់ ៕ សំបូរ
