កណ្តុមឆែប! ប៉ូលិសក្លែងក្លាយពាក់សក្តិ៣ ឃាត់ប្រជាពលរដ្ឋប្រុងធ្វើអ្វីផ្តេសផ្តាស

0
141

ភ្នំពេញ៖យុវជនម្នាក់ ដែលក្លែងបន្លំស្លៀកពាក់ជាឯកសណ្ឋានជានគរបាលជាតិ ដើម្បីអុកឡុកធ្វើរឿងមិនប្រក្រតីទៅលើជនស្លូតត្រង់ ដូចជាដេញឃាត់ម៉ូតូប្រជាពលរដ្ឋនៅក្នុងមូលដ្ឋាន និងនៅខណ្ឌដ៏ទៃទៀតក្នុងរាជធានីភ្នំពេញ  ត្រូវបានកម្លាំងនគរបាលប៉ុស្តិ៍ចោមចៅទី៣ នៃអធិការដ្ឋានខណ្ឌពោធិ៍សែនជ័យបានឃាត់ខ្លួន។

ការឃាត់ខ្លួនជនសង្ស័យក្លែងបន្លំឯកសណ្ឋាននគរបាលជាតិ បានធ្វើឡើងនៅវេលាទាបភ្លឺថ្ងៃទី២៧ ខែវិច្ឆិកា ឆ្នាំ២០១៩ នៅតាមផ្លូវជាតិ៤ ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

លោក ថេង កុសល នាយប៉ុស្តិ៍ចោមចៅទី៣ បានឲ្យដឹងថា ជនសង្ស័យមានឈ្មោះ ទូច ដេវីត អាយុ២៤ឆ្នាំ មានមុខរបរលក់ផលិតផល តាមអនឡាញ ស្នាក់នៅម្ដុំទូលទំពូងទី២ ខណ្ឌចំការមន និងដកហូតមធ្យោបាយម៉ូតូមួយគ្រឿងម៉ាក ហុងដាឌ្រីម សង់សេ១២៥ស៊េរី០១៤ ពាក់ស្លាកលេខ ភ្នំពេញ1CU-9499 និងឯកសណ្ឋាននគរបាលពណ៌ទឹកដោះគោមួយកំផ្លេ មួកនគរបាលមួយ។ ចំណែកឯជនរងគ្រោះមានឈ្មោះ ជា សុផាន់ណាត់ អាយុ២៥ឆ្នាំ មុខរបរកម្មកររោងចក្រ ស្នាក់នៅបន្ទប់ជួលភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។បច្ចុប្បន្នជនសង្ស័យ បានប្រគល់ឲ្យផ្នែកជំនាញ នៃអធិការនគរបាលខណ្ឌពោធិ៍សែនជ័យ ដើម្បីអនុវត្តបន្តតាមនីតិវិធីច្បាប់៕ អូន ធួក

 

LEAVE A REPLY

Please enter your comment!
Please enter your name here