ភ្នំពេញ ៖ បុរសនារីជាសង្សារមួយគូរ ខណៈដែលកំពុងអង្គុយសារសងស្នេហាគ្នា នៅទីងងឹតស្ងាត់ស្រាប់តែលេចមុខជនសង្ស័យ៣នាក់មកនិយាយកាត់សង្វាក់ ធ្វើជាខ្ចីទូរស័ព្ទតេ។ រួចដកដាវមកគំរាមកាប់ធ្វើសកម្មភាពប្លន់យកម៉ូតូពីជនរងគ្រោះបានសម្រចយកទៅលាក់ទុកនៅដីឡូត៍មួយកន្លែង ត្រូវកម្លាំងនគរបាលរកឃើញមកវិញ។
ហេតុការណ៍នេះកើតឡើង នៅវេលាម៉ោង៩.០០នាទីយប់ថ្ងៃទី២៩ខែ មករា ឆ្នាំ២០១៧ ស្ថិតនៅចំណុចដីវាលខាងលិចរបងរោងចក្រកាណាឌីយ៉ា ក្រោយរោងទឹកត្នោតជូរ ភូមិគោកចំបក់ សង្កាត់ចោមចៅ ខណ្ឌពោធិសែនជ័យ ។
ជនរងគ្រោះម្ចាស់ម៉ូតូមានឈ្មោះ ឈឿន ឈីន អាយុ២២ ឆ្នាំមុខរបរកម្មកររោងចក្រ ស្នាក់នៅផ្ទះជួលភូមិត្រពាំងថ្លឹង សង្កាត់ចោមចៅ និងមានស្រុកកំណើតភូមិ ពពាយ ឃុំទ្រា ស្រុកស្ទោង ខេត្តកំពង់ធំ។រីឯនារីជាគូរសង្សារឈ្មោះធួរ លែន អាយុ១៨មុខរបរកម្មររោងចក្រស្នាក់នៅភូមិត្រពាំងថ្លឹងសង្កាត់ចោមចៅមានឃុំនឹងស្រុកជាមួយគ្នា។ដោយឡែកម៉ូតូដែលជនសង្ស័យយកទៅនោះម៉ាក ហុងដាសេ១២៥ស៊េរី២០១៧ពណ៍ខ្មៅពាក់ស្លាកលេខ កំពង់ធំ 1I-3080។ចំណែកជនសង្ស័យមានគ្នា៣នាក់ប្រដាប់ដោយដាវមួយដើម មិនស្គាល់អត្តសញ្ញាណ រត់គេចខ្លួនក្រោយពេលកើតហេតុ។
តាមសម្តីពីជនរងគ្រោះបានឲដឹងថា នៅមុនពេលកើតហេតុ ខ្លួនជាមួយនឹងសង្សារបានទៅអង្គុយលេងសាសងស្នេហានៅទីកន្លែងកើតហេតុដែលជាកន្លែងស្ងាត់ ក្រោយមកក៏មានជនសង្ស័យចំនួន៣នាក់ដើរមកក្បែរ រួចបានសុំខ្ចីទូរស័ព្ទរបស់ខ្លួន តែខ្លួនបានប្រាប់ថាទូរស័ព្ទអស់ទឹកប្រាក់ហើយ ភ្លាមៗនោះជនសង្ស័យបានដកដាវមកគំរាមកាប់មកលើខ្លួនដើម្បីប្លន់យកម៉ូតូ ដោយភ័យខ្លាច ទើបប្រគល់សោរម៉ូតូទៅជនសង្ស័យ រួចជនសង្ស័យបានជិះចេញទៅបាត់ទៅ។បន្ទាប់មកជាងមួយម៉ោងទើបខ្លួនតាំងអារម្មណ៍បានទៅប្តឹងនគរបាលប៉ុស្តិ៍ចោមចៅ។ពេលនោះ កម្លាំងនគរបាលបាននាំខ្លួនទៅចង្អុលបង្ហាញពីកន្លែងកើតហេតុ និងប្រាប់ពីផ្លូវដែលជនសង្ស័យជិះចេញ ទើបកម្លាំងនគរបាលកំណត់មុខសញ្ញាចបាន រួចបាននាំទៅដីឡូត៍មានព្រៃមួយកន្លែងស្ថិតនៅក្រោយភូមិគោកចំបក់ ពីព្រោះកន្លែងដីឡូត៍នេះពីមុនមានជនសង្ស័យធ្វើសកម្មភាពកន្លងមក ធ្លាប់យកវត្ថុតាងយកទៅលាក់ទុកទីនោះ។លុះដល់កម្លាំងនគរបាលនាំទៅពិនិត្យមើលក៏ស្រាប់តែឃើញម៉ូតូដែលក្រុមជនសង្ស័យធ្វើសកម្មភាពដែលជារបស់ជនរងគ្រោះទៅលាក់ទុកទីនោះមែនដោយយកមែកឈើគ្របពីលើម៉ូតូ។
ក្រោយពេលរកម៉ូតូឃើញវិញ កម្លាំងនគរបាលមូលដ្ឋានបាននាំយកម៉ូតូទៅរក្សាទុកនៅផ្នែកជំនាញព្រហ្មទ័ណ្ឌខណ្ឌពោធិ៍សែនជ័យ ចំណែកជនរងគ្រោះបានមកដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីកំណត់មុខសញ្ញា ចាប់យកជនសង្ស័យមកផ្តន្ទាទោសទៅតាមច្បាប់៕សិរសា