បុរស​២នាក់​ជិះ​រថយន្ត​ជ្រុល​ទៅ​បុក​បង្គោល​ភ្លើង​បណ្តាល​ឲ្យក្រឡាប់​​រង​របួស​ធ្ងន់​

0
202

 

 

 
ខេត្តកណ្ដាល​៖​ បុរស​២នាក់​ជិះ​រថយន្ត​មួយ​គ្រឿង​សង្ស័យ​ងងុយ​ដេក​រ៉េ​ចង្កូត​ជ្រុល​ទៅ​បុក​បង្គោល​ភ្លើង​បណ្តាល​ឲ្យ​ក្រឡាប់​រងរបួស​ធ្ងន់​។ហេតុ​ការណ៍នេះបាន​កើតឡើង​កាល​ពី​វេលា​ម៉ោង​១៨:០០នាទី​ល្ងាច​ថ្ងៃ​ទី​៣០ខែ​មករាឆ្នាំ​២០១៧ស្ថិត​នៅ​តាម​បណ្ដោយ​ផ្លូវ​ជាតិ​លេខ​២៦១ក្នុង​ភូមិ​ព្រែក​ឬស្សី​ឃុំ​សំបូរ​មាស​ស្រុក​មុខ​កំពូល​។
ជនរងគ្រោះឈ្មោះរ័ត្នមុនីភេទ​ប្រុស អាយុ៣២ឆ្នាំ (អ្នកបើកបរ)និង​អ្នក​រួម​ដំណើរ​ម្នាក់​ទៀត​មិន​ត្រូវ​បាន​គេ​ស្គាល់​អត្តសញ្ញាណ​នោះ​ទេ​។
តាម​ប្រភព​ព័ត៌មាន​ពី​កន្លែង​កើត​ហេតុ​បាន​ឲ្យ​ដឹង​ថា​នៅ​មុន​ពេល​កើត​ហេតុ​គេ​ឃើញ​ជន​រងគ្រោះ​ជិះ​រថយន្ត​មួយ​គ្រឿង​ម៉ាកស្តារិចពណ៌កណ្ដុប្រមេះ ពាក់ផ្លាកលេខភ្នំពេញ2AG2250ធ្វើដំណើរ​តាម​បណ្ដោយ​ផ្លូវ​ជាតិ​លេខ​២៦១ក្នុង​ទិសដៅ​ពី​កើត​ទៅ​លិច​។​លុះមកដល់ចំណុចកើតហេតុខាងលើស្រាប់តែ​រ៉េ​ចង្កូត​ជ្រុល​ទៅបុកបង្គោលភ្លើងបណ្ដាលអោយបាក់សង្កត់ពីលើ​រថយន្ត​ថែម​ទាំង​ក្រឡាប់ផ្ងារ​ជើងរង​របួស​ធ្ងន់​។
ក្រោយ​ពី​កើតហេតុ​គេ​ឃើញ​នគរបាល​មូលដ្ឋាន​បាន​ចុះ​ទៅ​កន្លែង​កើត​ហេតុ​ដើម្បី​ធ្វើ​ចរាចរណ៍​និង​ទំនាក់ទំនង​ហៅ​រថយន្ត​សង្គ្រោះ​ដឹក​ជនរងគ្រោះ​ទៅ​ព្យាបាល​នៅ​មន្ទីរពេទ្យ​កាល់​ម៉ែត្រ​។​ចំណែក​ឯ​រថយន្ត​ត្រូវ​បាន​កម្លាំង​នគរបាល​មូលដ្ឋាន​ហៅ​រថយន្ត​ស្ទូច​មក​យក​ទៅ​រក្សា​ទុក​នូវ​អធិការ​ដ្ឋាន​ស្រុក​មុខ​កំពូល​រង​ចាំ​ការ​ដោះ​ស្រាយ​ពេល​ក្រោយ​៕​សារ៉េត​

 

 

 

LEAVE A REPLY

Please enter your comment!
Please enter your name here