ស្រវឹង​ស្រា​បើករថយន្តបុកម៉ូតូពីក្រោយរបួសធ្ងន់២នាក់ ជ្រុលទៅបុកចូលផ្ទះខូតខាតរថយន្តមួយគ្រឿងទៀត

0
213

 

 

 

 

ភ្នំពេញ ៖​ នារី​ដ៏​ស្រស់​ស្អាត​ម្នាក់​ចេញ​ពី​ផឹក​ស៊ី​ស្រវឹង​ស្រា​បើករថយន្តទៅ​បុកម៉ូតូពីក្រោយពេញទំហឹងបណ្តាលអោយបុរស២នាក់រងរបួសធ្ងន់ រួច​ជ្រុលទៅបុកចូលផ្ទះប្រជាពលរដ្ឋ​បាក់ទ្វារនិងបុករថយន្ត​មួយ​គ្រឿង​ដែល​ចត​ទុក​ក្នុង​ផ្ទះរងការខូតខាតយ៉ាងដុំណុំ។

ហេតុការណ៍នេះកើតឡើងនៅវេលាម៉ោង ១១និង៣០នាទី​យប់ឈានចូលថ្ងៃទី៣០​ខែ​មករាឆ្នាំ​ ២០១៧ ស្ថិត​នៅ​ចំណុចមុខផ្ទះលេខ២០៧លើផ្លូវបេតុងវត្តអង្គតាមិញ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ ។
អ្នក​បើកបរ​រថយន្ត​បង្ក​ហេតុ​ឈ្មោះ​ ពៅ​ សុបញ្ញា​ណា​ផា​អាយុ​២២ឆ្នាំ​មុខ​របរ​បុគ្គលិក​ក្នុង​អាកាស​យានដ្ឋាន​អន្តរជាតិ​ភ្នំពេញ​ស្នាក់នៅ​ផ្ទះ​លេខ​៤៦Eoផ្លូវ​លេខ​១១០ក្រុម​៥សង្កាត់​ផ្សារ​ដេប៉ូ​៣ខណ្ឌ​ទួលគោក​ ដោយ​បើក​បរ​រថយន្តម៉ាក ហាយឡែនឌឺពណ៌ស ពាក់ស្លាកលេខភ្នំពេញ 2Y-8963 ។​រីឯបុរស២នាក់រងរបួសធ្ងន់ នៅមិនទាន់ស្គាល់អត្តសញ្ញាណនៅឡើយទេ ចំណែកឯរថយន្តរបស់ម្ចាស់ផ្ទះខូចខាតម៉ាក ឡិចស៊ីសពណ៌ស្ករពាក់ស្លាកលេខភ្នំពេញ 1AN-1646 ។

តាម​ប្រភព​ព័ត៌មាន​ពីកន្លែងបានឲ្យ​ដឹងថា នៅ​មុនពេលកើតហេតុ គេឃើញបុរសរងគ្រោះ២នាក់ជិះម៉ូតូមួយគ្រឿងម៉ាកហុងដារស្កុបពីពណ៌សលាយផ្កាឈូក ធ្វើ​ដំណើរ​តាមបណ្ដោយផ្លូវបេតុងអង្គតាមិញក្នុង​ទិសដៅពីជើងទៅត្បូង។​លុះ​មក​ដល់​ចំណុច​កើត​ហេតុ​គេ​ឃើញ​រថយន្ត​មួយ​គ្រឿង​បើកបរដោយនារីស្រវឹងជោគជាំម្នាក់​មកពីក្រោយស្របទិសគ្នា ក្នុងល្បឿនលឿនស្រាប់តែរ៉េចង្កូតមកស្តាំដៃទៅបុកពីក្រោយម៉ូតូពេញទំហឹង​បណ្តាល​ឲ្យ​រង​របួស​ធ្ងន់​២នាក់​ ហើយរថយន្តមិនទាន់អស់ល្បឿនជ្រុលបុកទ្វារផ្ទះលេខ២០៧ និងទៅប៉ះរថយន្តរបស់ម្ចាស់ផ្ទះម៉ាកឡិចស៊ីសដែល​ចត​ទុក​ក្នុង​ផ្ទះ​រង​ការ​ខូចខាតយ៉ាងដំណុំ ។

ក្រោយកើតហេតុ ជនរងគ្រោះទាំង២នាក់ត្រូវបានរថយន្តសាមុយក្លីនិកឯកជន រស្មី ដឹកទៅសង្គ្រោះ
បន្ទាប់មកសមត្ថកិច្ចមូលដ្ឋាននិងសមត្ថកិច្ចជំនាញចរាចរណ៍ខណ្ឌពិនិត្យនៅកន្លែង រួចប្រគល់អោយជំនាញចរាចរណ៍ក្រុងចុះមកវាស់វែងយករថយន្តបង្កនិង​រថយន្តរងគ្រោះព្រម​ទាំង​ម៉ូតូរបស់​ជន​រងគ្រោះ ថែមទាំង​ឃាត់នារីបើកបរទៅកាន់ការិយាល័យចរាចរណ៍រាជធានីភ្នំពេញ ដើម្បី ធ្វើការដោះស្រាយគ្នា​នៅ​ពេល​ក្រោយ​៕​សារ៉េត​​

 

 

 

 

LEAVE A REPLY

Please enter your comment!
Please enter your name here