ភ្នំពេញ៖យុវជនសិស្សវិទ្យាល័យជម្ពូវ័ន្តម្នាក់ជិះម៉ូតូធ្វើដំណើរតាមបណ្ដោយផ្លូវត្រូវរថយន្តបុកពីក្រោយបណ្ដាលឲ្យបោកក្បាលនឹងថ្នល់ស្លាប់បាត់បង់ជីវិតភ្លាមៗនៅនឹងកន្លែង។ហេតុការណ៍នេះបានកើតឡើងកាលពិវេលាម៉ោង១០និង៣០នាទីព្រឹកថ្ងៃទី១ខែកុម្ភ: ឆ្នាំ២០៧ នៅចំណុចមុខរោងចក្រ Crown ស្ថិតនៅតាមបណ្តោយផ្លូវស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
សពជនរងគ្រោះត្រូវបានគេស្គាល់ឈ្មោះ រិន សារ៉ាឌី ១៧ឆ្នាំ ស្នាក់នៅភូមិចោមចៅ សង្កាត់ចោមចៅខណ្ឌពោធិ៍សែនជ័យ រៀននៅជម្ពូនវ័ន្ត ធ្វើដំណើតដោយម៉ូតូម៉ាក zommer ស្លាកលេខភ្នំពេញ 1F-S9601 ។ ចំណែករថយន្តបង្កមិនត្រូវបានស្គាល់ម៉ាក់បើកគេចបាត់ស្រមោល។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេជនរងគ្រោះជិះម៉ូតូមួយគ្រឿងធ្វើដំណើរតាមបណ្ដោយផ្លូវវេងស្រេងក្នុងទិសដៅពីលិចទៅកើត។លុះមកដល់ចំណុចកើតហេតុក៏មានរថយន្តធន់ធំមួយគ្រឿងធ្វើដំណើរតាមពីក្រោយជ្រុលទៅប៉ះដៃចង្កូតម៉ូតូជនរងគ្រោះបណ្ដាលឲ្យដួលបោកក្បាលនឹងថ្នល់ស្លាប់បាត់បង់ជីវិតភ្លាមៗនៅនឹងកន្លែងកើតហេតុ។ចំណែកឯអ្នកបើកបររថយន្តបង្កហេតុឃើញសភាពបែបដូច្នោះក៏បានបន្ថែមល្បឿនបើករត់គេចខ្លួនបាត់ស្រមោលសូន្យឈឹង។
ក្រោយពេលកើតគេឃើញនគរបាលមូលដ្ឋានបានចុះទៅកន្លែងកើតហេតុដើម្បីធ្វើការវាស់វែងហើយប្រគល់សពអោយក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន។ ដោយឡែករថយន្តបង្កសមត្ថកិច្ចកំពុងធ្វើការស្រាវជ្រាវយកមកផ្ដន្ទាទោសទៅតាមច្បាប់៕សារ៉េត