ភ្នំពេញ៖បុរសម្នាក់បានធ្វើអត្តឃាតចងកសម្លាប់ខ្លួនព្រោះតូចចិត្តម្តាយស្តីបន្ទោស ខណៈដែលបំផ្លិចបំផ្លាញទ្រព្យសម្បត្តិក្នុងគ្រួសារស្ទើរតែអស់រលីង។
ហេតុការណ៍នេះបានកើតឡើងកាលពីវេលសម៉ោង៦និង២០នាទីព្រឹកថ្ងៃទី០២ខែកុម្ភៈឆ្នាំ២០១៧ស្ថិតក្នុងភូមិត្រពាំងល្វាសង្កាតកាកាបខណ្ឌពោធិ៍សែនជ័យរាជធានីភ្នំពេញ។
បុរសដែលចងកសម្លាប់ខ្លួននេះឈ្មោះ ប៉ាត់ រតនា អាយុ៣០ឆ្នាំមុខរបរមិនពិតប្រាកដស្នាកនៅភូមិត្រពាំងល្វាសង្កាត់កាកាបខណ្ឌពោធិ៍សែនជ័យរាជធានីភ្នំពេញ។
តាមប្រភពពត៌ពីម្តាយជនរងគ្រោះបានប្រាប់អ្នកសារព័ត៌មានយើងថាកូនគាត់ធ្លាប់ព្យាយាមសម្លាប់ខ្លួនចំនួនពីរដងមកហើយតែមិនបានសម្រេចរហូតមកដល់ម៉ោង៩យប់ថ្ងៃទី០១ខែកុម្ភៈឆ្នាំ២០១៧កូនគាត់បានសុំលុយចាយហើយគាត់ជាម្តាយមិនឱ្យព្រោះខឹងនិងកូនរូបនេះធ្លាប់បានបំផ្លាញទ្រព្យសម្បត្តិអស់ជាច្រើនយកទៅលេងល្បែងតាមអិនធើណេត។ហើយគាត់ក៏ស្តីបន្ទោសអោយថាអាយុប៉ុណ្ណឹងហើយមិនចេះរកសុីធ្វើការអីចាំតែសុំលុយចាយកូនប្រុសដើមទ្រូង៥ហត្ថប៉ុណ្ណឹងហើយមិនចេះខ្មាស់គេ ។
ក្រោយពីម្តាយស្តីបន្ទោសជនរងគ្រោះក៏បានដើរចេញពីផ្ទះបាត់ទៅលុះរហូតដល់ព្រឹកឡើងម៉ោង៦ជាងក៏មានប្រជាពលរដ្ឋងើបងួតទឹកនិងហាលខោអាវហើយក្រឡេកមើលមកខាងក្រោយផ្ទះក៏ប្រទះឃើញជនរងគ្រោះចងកស្លាប់បាត់ទៅហើយរួចក៏មានការណ៍ភ្ញាក់ផ្អើលដឹងដល់សមត្ថកិច្ចនិងប្រជាពលរដ្ឋមកចោមរោមមើល។
តាមប្រភពដដែលបានបន្តទៀតថា កាលពីប៉ុន្មានខែមុនជនរងគ្រោះធ្វើការនៅរោងចក្រមួយកន្លែងផ្នែកខាងត្រួតពិនិត្យខោអាវ។បន្ទាប់មកក៏ឈប់សំរាកនៅផ្ទះ ជនរងគ្រោះពុំបានបន្តធ្វើការងារអ្វីផ្សេងទៀតទេ គិតតែដើរលេងហ្គ្រេមតាមអិនធើណេត រហូតយកទ្រព្យសម្បត្តិរបស់ម្ដាយជាច្រើនថែមទៀតផង។
ក្រោយពីកើតហេតុនគរបាលមូលដ្ឋានបានចុះទៅកន្លែងកើតហេតុដើម្បីកោសល្យវិច្ច័យនិងបានប្រគល់សពពនរងគ្រោះទៅឱ្យក្រុមគ្រួសារធ្វើបុណ្យតាមប្រពៃណីនៅឯស្រុកកំណើត៕សារ៉េត