មក​ពី​កំដរ​ការ​មិត្តភ័ក្ដិ​វិញ​ជិះ​ម៉ូតូ​ទៅ​ប៉ះ​បង្គោល​ចំណាំង​ភ្លើង​ត្រូវ​រថយន្ត​បុក​នឹង​កិន​ស្លាប់​នៅ​កន្លែង​កើត​ហេតុ​

0
166

 

 

 

 
ខេត្តកណ្ដាល​៖​ បុរស​ម្នាក់​វិល​ត្រឡប់​មក​ពី​កំដរ​ការ​មិត្តភ័ក្ដិ​វិញ​ជិះ​ម៉ូតូ​ទៅ​ប៉ះ​បង្គោល​ចំណាំង​ភ្លើង​ដួល​ត្រូវ​រថយន្ត​បុក​នឹង​កិន​ពី​លើ​ស្លាប់​យ៉ាង​អាណោចអាធ័ម​នូវ​នឹង​កន្លែង​កើត។ហេតុការណ៍​នេះ​បាន​កើត​ឡើង​កាល​ពី​វេលា​ម៉ោង​ ៥៖៣០នាទី​ព្រឹក​ថ្ងៃ​ទី​៣ខែ​កុម្ភះឆ្នាំ​២០១៧ស្ថិតនៅ​តាម​បណ្ដោយ​ផ្លូវ​ជាតិ​លេខ​៦ចន្លោះ​គីឡូម៉ែត្រ​៣៧-៣៨ក្នុង​ភូមិ​ព្រែក​ថ្មី​ឃុំ​រកា​កោង​២ស្រុក​មុខ​កំពូល​។​
ជនរងគ្រោះ​ត្រូវ​បាន​គេ​ស្គាល់​ឈ្មោះ​ ខៀវ​ បញារិទ្ធ​ អាយុ​២៤ឆ្នាំ​មុខ​របរ​បុគ្គលិក​មីក្រូហិរញ្ញវត្ថុ​ ស្នាក់នៅ​ភូមិ​សៀមរាប​ឃុំ​សៀមរាប​ ស្រុក​កណ្ដាល​ស្ទឹង​ខេត្ត​កណ្ដាល​។
តាម​ប្រភពព័ត៌មាន​ពី​កន្លែង​កើត​ហេតុ​បាន​ឲ្យ​ដឹង​ថា​ នៅ​មុន​ពេល​កើត​ហេតុ​គេ​ឃើញ​ជន​រងគ្រោះ​ជិះ​ម៉ូតូ​ម៉ាក​ហុង​ដា​សេ​១២៥​ពណ៌​ខ្មៅ​ពាក់​ស្លាក​លេខ​ភ្នំពេញ​1CZ3358ធ្វើ​ដំណើរ​តាម​បណ្ដោយ​ផ្លូវ​ជាតិ​លេខ​៦ក្នុង​ទិសដៅ​ពី​ជើង​ទៅ​ត្បូង​។លុះ​មក​ដល់​ចំណុច​កើត​ហេតុ​ជន​រងគ្រោះ​បាន​ជិះ​ម៉ូតូ​ទៅ​ប៉ះ​បង្គោល​ចំណាំង​ភ្លើង​ដួល​នៅ​លើ​ផ្លូវ​ ក៏​មាន​រថយន្ត​មិន​ស្គាល់​ម៉ាក​មួយ​គ្រឿង​ធ្វើ​ដំណើរ​ស្របទិសគ្នា​បុក​ហើយ​កិន​ពី​លើ​បណ្ដាល​ឲ្យ​ស្លាប់​បាត់បង់​ជីវិត​ភ្លាមៗ​នៅ​នឹង​កន្លែង​កើត​ហេតុ​។បន្ទាប់​មក​អ្នក​បើកបរ​រថយន្ត​បង្ក​ហេតុ​ឃើញ​សភាព​បែប​ដូច្នោះ​ក៏​បន្ថែម​ល្បឿន​បើក​រត់​គេច​ខ្លួន​បាត់​ស្រមោល​សូន្យ​ឈឹង​។
ក្រោយ​ពី​កើតហេតុ​គេ​ឃើញ​នគរបាល​មូលដ្ឋាន​បាន​ចុះ​ទៅ​កន្លែង​កើត​ហេតុ​ដើម្បី​ធ្វើ​ចរាចរណ៍​និង​ទំនាក់ទំនង​រក​សាច់ញាតិ​ជន​រងគ្រោះ​មក​ទទួល​យក​ទៅ​ធ្វើ​បុណ្យ​តាម​ប្រពៃណី​នៅ​ឯ​ស្រុក​កំណើត​។ដោយ​ឡែក​ម៉ូតូ​ជនរងគ្រោះ​ត្រូវ​បាន​នគរបាល​ប៉ុស្ដិ៍​រការកោងទី​២យក​ទៅ​រក្សា​ទុក​រង​ចាំ​សាច់ញាតិ​ទទួល​យក​វិញ​៕សារ៉េត​

 

 

 

 

LEAVE A REPLY

Please enter your comment!
Please enter your name here