នៅផ្ទះជិតគ្នា បង្កហិង្សាទៅលើស្រី្តម្នាក់ពេលប្តីមិននៅផ្ទះ ប៉ូលិសចាប់ដាក់ខ្នោះ

0
173

ភ្នំពេញ៖  បុរស​ជា​អ្នកបើកបរ​រថយន្ត​ដឹក​ស៊ីម៉ង់​ត៍របស់​ក្រុមហ៊ុន​ខេ​ស៊ី​មិន​ម្នាក់ ឈ្មោះឆេង លី អាយុ៣៣ឆ្នាំ ដែល​បានធ្វើ​ទារុណកម្ម​វាយ​ធ្វើបាប និង​ប៉ុនប៉ង​ចាក់​សម្លាប់​ស្ត្រី​ម្នាក់​ជា​អ្នក​ក្បែរ​ខាង​គ្នាត្រូវបាន​កម្លាំង​នគរបាល​ខណ្ឌ​ពោធិ​សែន​ជ័យ​ចាប់ខ្លួនបាន​ហើយ នៅ​យប់​ថ្ងៃទី០៥ ខែកុម្ភៈ ឆ្នាំ២០១៧ រំលង​អា​ធ្រា​ត្រខណៈ​វិលត្រឡប់​ទៅផ្ទះ​វិញ បន្ទាប់ពី​ព្យាយាម​រត់គេចខ្លួន​បាត់ បាន​រយៈពេល១២ម៉ោង។

ស្ត្រី​រងគ្រោះ​មានឈ្មោះ អ៊ឹម ស្រី​ម៉ៅ អាយុ៣០ឆ្នាំ មាន​ស្រុកកំណើត​នៅ​ភូមិ​ត្រពាំង​ស្រងែ ឃុំ​អង្គតាសោម ស្រុក​ត្រាំកក់ ខេត្តតាកែវ សព្វថ្ងៃ​ស្នាក់នៅ​ភូមិ​គោក​ចំបក់ សង្កាត់​ចោមចៅ ខណ្ឌ​ពោធិ៍​សែន​ជ័យ ត្រូវ​បុរស​ឈ្មោះ ឆេង លី ជា​អ្នកបើកបរ​រថយន្តរ​បស់​ក្រុមហ៊ុន​ខេ​ស៊ី​មិន ស្នាក់នៅ​បន្ទប់​ផ្ទះជួល​ក្បែរ​គ្នា យក​កូនកាំបិត​ប៉ង​ចាក់​សម្លាប់​ដោយ​មិនដឹង​មូលហេតុ នៅ​ថ្ងៃទី០៥ ខែកុម្ភៈ ឆ្នាំ២០១៧ តែ​មិនបាន​ដូច​ចិត្ត ព្រោះ​ត្រូវ​អ្នកជិតខាងរ​ត់ទៅ​ជួយ​ទាន់ ថែមទាំង​គម្រាម​តាម​សម្លាប់​ឲ្យ​បាន​ទៀត។

តាមសម្តីស្ត្រី​រងគ្រោះ​បាន​និយាយថា ខ្លួន​និង​ជនបង្ក​ខាងលើ​ជា​អ្នក​ក្បែរ​ខាង​គ្នា ហើយ​មិនដែល​មានទំនាស់​នឹង​គ្នា​ទាល់តែសោះ ប៉ុន្តែ​មិនដឹងថា​ជន​នោះ​ខឹង ឬ​មាន​គំនុំ​អ្វី​ជាមួយ​ខ្លួន​តាំងពី​ពេលណា​មក​ទេ ទើបបានជា​វាយ​ធ្វើបាប និង​ប៉ង​សម្លាប់ខ្លួន​បែបនេះ។

ស្រី្តរងគ្រោះបាបបន្តថា នៅ​មុនពេល​កើតហេតុ ខ្លួន​បាន​បោស​សម្អាតផ្ទះ ស្រាប់តែ​ជន​នោះ​ស្រែក​ឡូឡា​ដាក់​នាង ហើយ​បាន​ទាញ​អំបោស មក​វាយ​លើ​រូបនាង​ទាំង​កំរោលដោយ​មិនដឹង​មូលហេតុ បន្ទាប់មក​ជន​នោះ បាន​ទាញយក​កូនកាំបិត​ប៉ង​ចាក់​សម្លាប់​នាង​ទៀត ប៉ុន្តែ​បាន​អ្នកជិតខាង​ជួយ​ទាន់។

ក្រោយពី​មានការ​ភ្ញាក់ផ្អើល ជនបង្ក​បាន​បើករថយន្ត ម៉ា​កវី​ហ្គោ គេចខ្លួនបាត់ ព្រមទាំង​បាន​គំរាម​តាម​ទូរស័ព្ទ​ថា ទោះ​នាង​ទៅដល់​ទីណា ក៏​តាម​សម្លាប់​នាង​ចោល​ដែរ និង​គម្រាមថា​នឹងដាក់​ពាក្យ​ប្ដឹង​នាង​ទៀតផង។

ក្រោយពេល​ទទួលរង​ទារុណកម្ម និង​ការប៉ុនប៉ង​ចាក់​សម្លាប់ ពី​សំណាក់​ជនដៃដល់​ខាងលើ​រួចមក ស្ដ្រី​រងគ្រោះ បាន​ទូរស័ព្ទ​សុំ​អន្តរាគមន៍​ពី​កម្លាំង​នគរបាល​ប៉ុស្ដិ៍​ចោមចៅ ហើយ​កម្លាំង​នគរបាល​ក៏បាន​ចុះទៅភ្លាម។ លុះដល់​វេលាយប់​រំលង​អា​ធ្រា​ត្រ ថ្ងៃ​ដដែល​នោះ ទើប​កម្លាំង​នគរបាល ឃាត់ខ្លួន​ជនបង្ក​បាន​ក្នុងផ្ទះ​ពេលជិរថយន្តមកដល់ ៕ អូន ធួក

LEAVE A REPLY

Please enter your comment!
Please enter your name here