ឃាត់ខ្លួនជនជាតិចិនចាប់ជំរិត២នាក់និងរំដោះជនរងគ្រោះ៣នាក់

0
100

ភ្នំពេញ ៖កម្លាំងនគរបាលខណ្ឌសែនសុខ បានឃាត់ខ្លួនជនជាតិចិនចាប់ជំរិតជនជាតិចិនដូចគ្នាពីខេត្តព្រះសីហនុមកស្នាក់ក្នុងបុរីមួយក្នុងខណ្ឌសែននៅរាជធានីភ្នំពេញដោយរឹបអូសវត្ថុតាងនិងរដោះជនរងគ្រោះបាន៣នាក់។

ប្រតិបត្តិការនេះធ្វើឡើងកាលពីនៅវេលាម៉ោង១២រំលងអធ្រាត្រឈានចូលថ្ងៃ ទី៣០ ខែកក្កដា ឆ្នាំ២០២០ ត្រង់ចំណុចផ្ទះលេខ១០០៧ ផ្លូវបេតុងក្នុងបុរីសីរ៉ែន វីឡា សង្កាត់អូរបែកក្អម ខណ្ឌសែនសុខ រាជធានីភ្នំពេញ។

ជនរងគ្រោះមានចំនួន៣នាក់ជាក្មេង អាយុប្រហែល១៨-១៩ឆ្នាំជាជនជាតិចិន។

តាមសេចក្តីរាយការណ៍ប្រាប់ថាជនរងគ្រោះទាំងបីនាក់នេះបានចេញពីធ្វើការនៅហាងមួយកន្លែងកាលពីវេលាម៉ោង១២រំលងអធ្រាត្រឈានចូលថ្ងៃចន្ទ ទី២៧ ខែកក្កដា ឆ្នាំ២០២០ដោយដើរតាមផ្លូវក្នុងគោលបំណងទៅបន្ទប់ជួល ក៏ស្រាប់តែមានរថយន្តម៉ាកតូយ៉ូតាអាល់ផាត ពណ៌សមួយគ្រឿងពាក់ស្លាកលេខ ភ្នំពេញ 2BC-5178 មានគ្នា៣នាក់ជាជនជាតិចិនបានចុះពីលើរថយន្តមកវ៉ៃជនរងគ្រោះចាប់ដាក់ខ្នោះហើយអូសចូលក្នុងរថយន្តបើកមកភ្នំពេញយកមកដាក់បង្ខាំងនៅផ្ទះបុរីសីរ៉ែន វីឡាដើម្បីជំរិតទារប្រាក់ពីជនរងគ្រោះរាប់មុឺនដុល្លារ ហើយធ្វើទារុណកម្មយកកាំបិតឆូតមុខបណ្ដាលឱ្យជនរងគ្រោះហូរឈាមនិងបង្អត់បាយចំនួនបីថ្ងៃក្នុងនោះមានជនរងគ្រោះម្នាក់បានឲ្យលុយចំនួន២០
ម៉ឺនយ័នជាលុយចិនទៅឱ្យជនសង្ស័យ ហើយជនរងគ្រោះខ្លះអត់លុយឲ្យត្រូវក្រុមជនសង្ស័យធ្វើបាបស្ទើរស្លាប់។

បន្ទាប់មកជនរងគ្រោះម្នាក់បានរត់ចេញតាមសំយាបផ្ទះចេញមកខាងក្រៅពឹងប្រជាពលរដ្ឋខ្មែរឲ្យជួយប្រាប់ប៉ូលិស ហើយជនសង្ស័យដឹងថាបែកការណ៍ក៏បានប្រមូលអីវ៉ាន់ចាកចេញពីផ្ទះ។ពេលសមត្ថកិច្ចបានទទួលព័ត៌មាននេះភ្លាមលោកអធិការខណ្ឌសែនសុខបាននាំកម្លាំងគណៈបញ្ជាការឯកភាពខណ្ឌចុះទៅដល់ទីតាំងកើតឡោមព័ទ្ធចាប់បានជនជាតិចិនដែលជាជនសង្ស័យចំនួន២នាក់ និងរត់រួចម្នាក់ព្រមទាំងរំដោះជនរងគ្រោះបានចំនួនបីនាក់មកវិញ៕អូន ធួក

LEAVE A REPLY

Please enter your comment!
Please enter your name here