ភ្នំពេញ៖ បុរសពោះម៉ាយម្នាក់ប្រពន្ធលែងបានធ្វើសកម្មភាពចាប់រំលោភក្មេងស្រីម្នាក់ ខណៈដែលនាងនៅម្នាក់ឯងតែមិនបានសម្រេចត្រូវបានឪពុកមាជនរងគ្រោះមកទាន់ចាប់ប្រគល់អោយនគរបាលប៉ុស្ដិ៍កាកាប ។ ហេតុការណ៍នេះ បានកើតឡើងកាលពីវេលាម៉ោង៥និង២០នាទីល្ងាចថ្ងៃទី០៦ ខែកុម្ភៈ ឆ្នាំ២០១៧ ស្ថិតនៅតាមផ្លូវបេតុង ក្រុម៤ ភូមិតាងួន សង្កាត់កាកាប ខណ្ឌពោធិ៍សែនជ័យ ។
ជនរងគ្រោះឈ្មោះស ម ល ភេទស្រីអាយុ១៦ឆ្នាំ មុខរបរលក់នំ ស្នាក់នៅសង្កាត់ការកាប ខណ្ឌពោធិ៍សែនជ័យ។ មានស្រុកកំណើតនៅស្រុកកោះសាទិន ខេត្តកំពុងចាម។ ចំណែកជនសង្ស័យឈ្មោះឈឺន សុី ទិត្យ ភេទប្រុសអាយុ៣៤ឆ្នាំ ជាបុរសពោះម៉ាយ មុខរបចុងភៅ នៅភោជ្ជនីដ្ឋានបុប្ផាមាស ស្នាក់នៅក្រុម៤ តាងួនសង្កាត់ការកាប ខណ្ឌពោធិ៍សែនជ័យ។
តាមសម្តីបុរសជាឪពុកមាក្មេងស្រីរងគ្រោះបានអោយដឹងថា ជនរងគ្រោះគាត់ទើបតែយកមកពីស្រុកអស់រយះពេល៧ខែមកហើយដោយអោយលក់នំសាំវិចនៅផ្ទះ។ លុះល្ងាចថ្ងៃទី៦ ខែគុម្ភះនេះរូបគាត់មកពីធ្វើការវិញស្រាប់តែឃើញមានស្បែកជើងមនុស្សប្រុសនិងលឺសម្លេងក្នេងស្រីយំនៅក្នុងបន្ទប់ជាន់ទី១ ភ្លាមៗនោះរូបគាត់ក៏បានរត់ឡើងទៅមើលស្រាប់តែឃើញបុរសនោះកំពុងតែចាប់ក្មួយរបស់គាត់ប៉ុនប៉ងរំលោភតែមិនទាន់បានសម្រេចទេ។
តាមសំដីក្មេងស្រីរងគ្រោះបានអោយដឹងថា នៅមុនពេលកើតហេតុពេលដែលឪពុកមានាងទៅធ្វើការបាត់និងម្តាយមីងនៅលក់ខាងមុខផ្ទះដោយរូបនាងកំពុងលក់នៅខាងក្រោយ។ភ្លាមនោះស្រាប់តែមានបុរសម្នាក់មករកខ្ចីជញ្ជីង ដោយសារតែជញ្ជីងនៅលើផ្ទះជាន់ទីមួយទើបរូបនាងឡើងទៅយកហើយជនសង្ស័យក៏ឡើងទៅដែរ។ហើយបានរុញនាងចូលក្នុងបន្ទប់ហើយធ្វើសកម្មភាពចាប់រំលោកំពុងតែប្រតាយប្រតប់គ្នាស្រាប់តែឪពុកមាមកទាន់ចាប់ប្រគល់អោយសមត្ថកិច្ច។
នៅចំពោះមុខសមត្ថកិច្ចជនសង្ស័យបានសារភាពថាខ្លួនពិតជាបានធ្វើសកម្មភាពចាប់រំលោភពិតប្រាកដមែនតែមិនបានសម្រេចនោះទេ។
ក្រោយកើតហេតុជនសង្ស័យត្រូវបានកម្លាំងនគរបាលប៉ុស្ដិ៍កាកាបកសាងសំណុំរឿងបញ្ជូនទៅផ្នែកព្រហ្មទ័ណ្ឌដើម្បីចាត់ការតាមផ្លូវច្បាប់៕សារ៉េត