ផឹកស៊ីទំនាស់សំដីគ្នាកាប់ស្លាប់ម្នាក់ពីយប់ស្អែកឡើងទើបដឹងតែឃាតកមិនរត់ទៅណា

0
59

ខេត្តបន្ទាយមានជ័យ÷មានការភ្ញាក់ផ្អើលមួយដោយសារបុរសម្នាក់ត្រូវបានគេប្រទះឃើញដេកស្លាប់នៅក្នុងថ្លុកឈាម នៅវេលាម៉ោង៩និង៣០នាទីព្រឹកថ្ងៃទី២៨ខែសីហាឆ្នាំ២០២០ សង្ស័យជាអំពើមនុស្សឃាត ត្រង់ចំណុចអូរកងរ៉ក់ ស្ថិតនៅខាងលិចឈៀងខាងត្បូងចម្ងាយ៤.០០០ម៉ែត្រ ពីភូមិថ្មី ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក បានឲ្យដឹងថា ជនរងគ្រោះដែលស្លាប់ត្រូវបានគេស្គាល់ ឈ្មោះ ឈី ភេទប្រុសអាយុ៥១ឆ្នាំ មានទីលំនៅភូមិសូរិយា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ចំណែកជនសង្ស័យនៅក្នុងអំពើឃាតកម្មនេះមានឈ្មោះភី ចម ភេទប្រុស អាយុ៤៨ឆ្នាំ ទីលំនៅភូមិសូរិយា សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ ដូចគ្នា។ជនសង្ស័យនិងជនរងគ្រោះ ទាំង០២នាក់ ជាអ្នកស៊ីឈ្នួលដេកចាំចម្ការដំឡូងមី នៅចំណុចកើតហេតុអូរកងរ៉ក់ ក្នុងឃុំស្វាយចេក ឲ្យឈ្មោះ សុខ ចាន់វុទ្ធ ភេទប្រុស អាយុ ៣៩ ឆ្នាំ មានទីលំនៅភូមិសូរិយា.សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
លោកអធិការស្រុកស្វាយចេកបានបញ្ជាក់ថា នៅយប់ថ្ងៃកើតហេតុ ជនរងគ្រោះនិងជនសង្ស័យ បានផឹកស្រាថ្នាំជាមួយគ្នា នៅនឹងខ្ទមចម្ការ។លុះ ពេលស្រវឹងរៀងៗខ្លួន ក៏មានទាស់ពាក្យសំដី ឈានដល់កើតមានអំពើហិង្សា ហើយឈ្មោះ ភី ចម បានទាញយកចបកាប់ជម្រះស្មៅ វាយទៅលើ ឈ្មោះ ឈី ពេលនោះជនរងគ្រោះបានរត់គេចមកក្រៅខ្ទមហើយដួល ក៏ត្រូវជនសង្ស័យបានធ្វើសកម្មភាពកាប់បន្ថែមទៅលើជនរងគ្រោះត្រូវក្បាលជាច្រើនកន្លែង បណ្តាលឲ្យដេកស្លាប់នៅក្នុងថ្លុឈាមតែម្តង ។
ក្រោយពីធ្វើសកម្មភាពរួចហើយជនសង្ស័យក៏មិនបានរត់គេចខ្លួន ទៅណាទេគឺនៅដេកនឹងខ្ទមជាធម្មតា។ លុះព្រឹកឡើង មានប្រជាពលរដ្ឋ ទៅចម្ការក្បែរនោះប្រទះឃើញសពដេកស្លាប់ក៏រាយការណ៍មកសមត្ថកិច្ច ចុះទៅពិនិត្យហើយកម្លាំងកងរាជអាវុធហត្ថមូលដ្ឋាន ស្រុកស្វាយចេក ក៏បានធ្វើការឃាត់ឈ្មោះ ភី ចម ដើម្បីសួរនាំ ។ នៅចំពោះមុខសមត្ថកិច្ច ជនសង្ស័យមិនបានសារភាពពីទង្វើរបស់ខ្លួនជាអ្នកប្រព្រឹត្តនោះទេ តែសមត្ថកិច្ចពិនិត្យខោនិងជាប់ខ្លួនជនសង្ស័យមានប្រឡាក់ឈាម។
បច្ចុប្បន្នជនសង្ស័យរូបនេះត្រូវកម្លាំងកងរាជអាវុធហត្ថមូលដ្ឋានស្រុកស្វាយចេក កសាងសំណុំរឿង បញ្ជូនទៅបញ្ជាការដ្ឋាន កងរាជអាវុធហត្ថខេត្ត ដើម្បីចាត់ការបន្តតាមនិតិវិធីច្បាប់។ចំ ណែកសពជនរងគ្រោះ ត្រូវបានប្រគល់ជូនក្រុមគ្រួសារ ចាត់ចែងធ្វើបុណ្យតាមប្រពៃណី ៕
សំបូរ

LEAVE A REPLY

Please enter your comment!
Please enter your name here