ភ្នំពេញ៖បុរសមិនស្គាល់អត្តសញ្ញាណម្នាក់ជិះម៉ូតូយ៉ាងលឿនដូចហោះជ្រុលទៅបុកម៉ូតូមួយគ្រឿងទៀតជាន់ហ្រ្វាំងមិនទាន់បណ្តាលឲ្យរងរបួសធ្ងន់។ហេតុការណ៍នេះបានកើតឡើងកាលពីវេលាម៉ោង១៩:១៥នាទីយប់ថ្ងៃទី១០ខែកុម្ភះឆ្នាំ២០១៧ស្ថិតនៅតាមបណ្ដោយផ្លូវលេខ៤១០Kក្នុងភូមិធ្លកសង្កាត់គោករកាខណ្ឌព្រែកព្នៅ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញបុរសមិនស្គាល់អត្តសញ្ញាណម្នាក់ជិះម៉ូតូមួយគ្រឿងម៉ាកហុងដាសេ១២៥ពណ៌ខ្មៅពាក់ស្លាកលេខភ្នំពេញ១FGធ្វើដំណើរតាមបណ្ដោយផ្លូវកើតហេតុខាងលើ ក្នុងទិសដៅពីលិចទៅកើត យ៉ាងលឿន។លុះមកដល់កន្លែងកើតហេតុបានបុក ជាមួយម៉ូតូ មួយគ្រឿងដែលធ្វើដំណើរស្របទិសគ្នាឈប់ស្ងៀមម៉ាក honda cub ពណ៌ខៀវ គ្មានពាក់ស្លាកលេខបើកបរឈ្មោះ ហួត ចិត្រា ភេទ ប្រុស អាយុ 30ឆ្នាំ ស្នាក់នៅភូមិត្រពាំងពោធិ៍ សង្កាត់គោករកាខណ្ឌព្រែកព្នៅ រាជធានីភ្នំពេញ បណ្តាលអោយរងរបួសធ្ងន់។បន្ទាប់មកអ្នកបើកម៉ូតូបង្កហេតុឃើញសភាពបែបដូច្នោះក៏ទុកម៉ូតូចោលហើយរត់គេចខ្លួនបាត់ស្រមោលសូន្យឈឹង។
ក្រោយពីកើតហេតុគេឃើញនគរបាលមូលដ្ឋានបានចុះទៅកន្លែងកើតហេតុដើម្បីធ្វើចរាចរណ៍និងទំនាក់ទំនងហៅរថយន្តសង្គ្រោះដឹកជនរងគ្រោះទៅព្យាបាលនៅមន្ទីរពេទ្យ។ចំណែកឯម៉ូតូបង្កនិងម៉ូតូជនរងគ្រោះត្រូវបាននគរបាលប៉ុស្ដិ៍គោករកាយកមករក្សាទុករងចាំការដោះស្រាយនូវពេលក្រោយ៕សារ៉េត