ភ្ញាក់ក្រញ៉ាងស្មានតែខ្មោចលង! ប្រៀបដូចចម្រៀងហែខ្មោចទៅដុតហែខ្មោចមកវិញ

0
122

ចេញផ្សាយ÷22.01.2021

ភ្នំពេញ ៖ខណៈឪពុកម្តាយកំពុងធ្វេីបុណ្យសពឲ្យកូន​ ស្រាប់តែកូន(សព)មកដល់ផ្ទ្ទះគ្រហ៊ើៗធ្វើឲ្យក្រុមគ្រួសារផ្អើលឈុលស្មានតែខ្មោចលង តែតាមការពិតសពដែលក្រុមគ្រួសារធ្វើបុណ្យនេះជាសពអ្នកដទៃដែលរថយន្តកិនខ្ទេចក្បាលមើលមិនស្គាល់ហើយចៃដន្យពេលនោះសមត្ថកិច្ចទូរស័ព្ទប្រាប់ដំណឹងថាជាសពរបស់កូនគាត់ទើបឪពុកម្តាយរើសបំណែកសពយកទៅធ្វើបុណ្យនៅវត្តទាំងច្រឡំ។
​ ​ ​​ហេតុការណ៍គ្រោះថ្នាក់ចរាចរណ៍នេះកើតឡើងកាលពី​វេលា​ម៉ោង​១០​និង​២០​នាទី​យប់​ថ្ងៃ​ទី​២១ ខែមករា ឆ្នាំ២០២១ តាមបណ្តោយផ្លូវ​​៣៧១​ ត្រង់ចំណុច​ទល់​​មុខ​ច្រកចូល​ចូល​បុរី​ជីប​ម៉ុង ក្នុងសង្កាត់​បឹង​បឹង​ទំពុន​២ ខណ្ឌមានជ័យ រាជធានីភ្នំពេញមានរថយន្ត​សណ្តោង​ទូកុងតឺន័រ​មួយ​គ្រឿង​បាន​បើក​​ក្នុងល្បឿន​​​លឿន​បុក​​និង​កិន​បុរស​ម្នាក់កំពុង​​ដើរ​ឆ្លងផ្លូវ​អូស​ជិត​៥០​ម៉ែត្រ បណ្តាល​ឲ្យ​បែកក្បាល​ធ្លាយ​ខួរ ​ដាច់​​សាច់​ជា​បំណែកៗមើលលែងស្គាល់ ​ស្លាប់យ៉ាង​អាណោចអាធ័ម​ ។
ក្រោយ​កើតហេតុរួច​ ​កម្លាំង​សមត្ថកិច្ច​មូលដ្ឋាន​ក៍​ដូច​ជា​កម្លាំងជំនាញ​ចរាចរណ៍​បាន​ចុះ​ទៅ​កន្លែង​កើតហេតុ ​ហើយបាន​ទំនាក់ទំនង​ហៅ​សាច់ញាតិ​ដែល​នៅ​ក្បែរ​នោះ​ស្រាប់ឲ្យមក​ទទួលយក​សព​ទៅ​តម្កល់​ធ្វើបុណ្យ​នៅ​វត្ត​ឬ​ស្សី​សាញ់ ក្នុង​ខណ្ឌដង្កោ ។

​ ប៉ុន្តែអ្វី​ដែល​គួរ​ឲ្យ​ចាប់អារម្មណ៍​ពាក់ព័ន្ធនឹងករណី​គ្រោះថ្នាក់​ចរាចរណ៍ខាងលើ​​នោះ គឺ​នៅ​ពេល​ដែល​សាច់ញាតិ​ទៅ​ទទួល​សព​យក​ទៅ​ធ្វើបុណ្យ​ក៏​មិនបាន​​ចាប់អារម្មណ៍​ពិនិត្យ​មើល​ឲ្យ​​ច្បាស់លាស់​ដែរ ដោយសារ​សព​ត្រូវ​រថយន្ត​កិន​បែក​ខ្ទេច​មុខ​មើល​លែង​ស្គាល់​ទៅ​ហើយ លុះ​ពេល​សមត្ថកិច្ច​ទាក់ទង​ទៅ​សាច់ញាតិ​ក៏​​បាន​មក​ទទួលយក​សព​ទៅ​រៀបចំ​ធ្វើបុណ្យ​នៅ​វត្ត​ឬ​ស្សី​សាញ់​ទាំង​យប់។ប៉ុន្តែខណ:ដែល​សាច់ញាតិ​កំពុង​តែ​ទ្រហោរយំស្តាយស្រណោះនិងរៀបចំធ្វើបុណ្យសពតាមប្រពៃណីនោះស្រាប់តែ​នៅ​វេលា​ម៉ោង​៤​ទៀប​ភ្លឺ​ថ្ងៃ​ទី​២២ ខែមករា ​ក៏​ប្រទះ​ឃើញ​បុរស​​ម្នាក់​ដែល​សមត្ថ​កិច្ច​អះអាង​ថា​បានបាត់បង់ជីវិត​​ក្នុង​ហេតុការណ៍គ្រោះថ្នាក់​​​​ចរាចរណ៍​ខាងលើ​​នោះ​បាន​ដើរ​ត្រឡប់​មក​ផ្ទះ​វិញ ធ្វើ​ឲ្យ​សាសាច់ញាតព្រលឹងនភចុងសក់គ្រប់​គ្នា​ ព្រោះ​ស្មាន​តែ​ខ្មោចលង ។តែ​តាមការពិត​​បុរសរូប​​នោះ​មិន​បាន​​បាត់បង់ជីវិតនោះ​ទេ ហើយសហើយសពនេះទំនង​​គឺ​​ជាជនមានសតិមិនគ្រប់​ ។
យ៉ាងណា​ក្នុងករណីនេះ សាច់ញាតិ​ដែល​រៀបចំ​ធ្វើបុណ្យ​ច្រឡំ​សព​នោះ​នៅ​តែ​បន្ត​ធ្វើបុណ្យ​នៅ​វត្ត​ឬ​ស្សី​សាញ់​ ដើម្បី​បង្គ្រប់កិច្ច​មួយ​ព្រឹក​ទៀត​ឲ្យ​ចប់​រួចរាល់​តែ​ម្តងទៅប្រៀបបានធ្វើឋទានដល់សពជនអនាថានិងចាត់ទុកដូចធ្វើបុណ្យរំដោះគ្រោះឲ្យកូនដែលនៅរស់នេះផង៕
អូន ធួក

LEAVE A REPLY

Please enter your comment!
Please enter your name here