សិស្សានុសិស្សនៃវិទ្យាស្ថានអន្តរជាតិឌែលី រាប់រយនាក់បាត់បង់ការសិក្សា ដោយសារសាលាខ្ស័យធន់

0
268

 
ភ្នំពេញ ៖ ឪពុកម្តាយនឹងអាណាព្យាបាលសិស្សានុ សិស្សជាច្រើននាក់បាននាំគ្នាមកកាន់ខាងមុខវិទ្យាស្ថានអន្តរជាតិ ឌែលី ដោយសម្តែងការខកចិត្តយ៉ាងខ្លាំងក្រោយពីដឹងថា នាយកសាលាអន្តរជាតិឌែលីបានរត់ចោលសាលាដោយសារខ្ស័យធន់ ធ្វើឲ្យប៉ះពាល់ដល់អនាគត់កូនៗពួកគាត់និងបុគ្គលិកជាច្រើនអ្នកមិនមានប្រាក់ខែផងដែរ។ ហេតុកាេនេះបានកើតឡើងកាលពីព្រឹកថ្ងៃទី២ខែវិច្ឆិកា ឆ្នាំ២០១៦ នៅក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។
ឪពុកម្តាយនិងអាណាព្យាបាលសិស្សបានឲ្យដឹងថា នាយកសាលានោះត្រូវបានគេស្គាល់ឈ្មោះ លី សេងហ៊ុយ អាយុ៤០ឆ្នាំង ស្នាក់នៅក្នុងសាលា ខាងលើ ។

តាមប្រភពដដែលបានបន្តទៀតថា សាលានេះមានបុគ្គលិកលោកគ្រូ អ្នកគ្រូប្រហែលជាជិត៥០នាក់ ដោយទទួលបានប្រាក់ខែម្នាក់២០០ដុល្លារក្នុង១ខែ និងអ្នកបើកបររថយន្តដឹកសិស្សប្រហែលជាង២០នាក់ម្នាក់ៗទទួលបានប្រាក់ខែ៥០០ដុល្លារ និងអ្នកអនាម័យនៅក្នុងសាលា២នាក់ក្នុងម្នាក់ទទួលបានប្រាក់ខែ១២០ ដុល្លារ ។
តាមប្រភពព័ត៌មានពីលោកគ្រូ អ្នកគ្រូរួមនិងអ្នកបើកបររថយន្តដឹកសិស្សបាននិយាយថា រយះពេល៣ខែហើយ ដែលពួកគាត់មិនបានទទួលប្រាក់ខែពីសាលា ដោយនាយកសាលាបានសន្យ៉ា១ខែហើយ១ខែទៀត និងសូមឲ្យពួកគាត់ជួយបន្តធ្វើការងារ លុះដល់ពេលនេះលោក នាយករត់គេចខ្លួនចោលសាលាតែម្តង។
ពួកគាត់បានបន្តថា អ្នកដែលជួបបញ្ហាមិនមែនត្រឹមតែប៉ះពាល់ដល់ពួកគាត់ជាគ្រូ បង្រៀននោះទេ អ្វីដែលសំខាន់នោះ គឺសិស្សានុសិស្សរាប់រយនាក់ដែលកំពុងសិស្សាត្រូវបាត់បង់ការសិក្សាពាក់កណ្តាលទីផងដែរ។
ចំណែកអណាព្យាបាលសិស្សបាន សម្តែងការខកចិត្តយ៉ាងខ្លាំងចំពោះសាលានេះយ៉ាងខ្លាំងព្រោះវាហាក់បីដូចជាមកបំផ្លាញអនាគតកូនៗពួកគាត់ដែលមានជំនឿទុកចិត្តទៅលើសាលានេះ ថានិងអាចផ្តល់អនាគតភ្លឺស្វាយដល់កូនៗពួកគាត់។
ពាក់ព័ន្ធនិងការលើកឡើងរបស់លោកគ្រូ អ្នកគ្រូក៏ដូចជាអណាព្យាបាលសិស្សអ្នកយកព័ត៌មានយើងមិនអាចធ្វើការទំនាក់ទំនងទៅលោក លី សេងហ៊ុយ បានទេ ព្រោះមិនមានលេខទូរស័ព្ទ៕សិរសា

 

 

LEAVE A REPLY

Please enter your comment!
Please enter your name here