ស្រវឹងស្រាបើកម៉ូតូឡើងឃឿនរង្វង់មូលរងរបួសធ្ងន់៣នាក់

 

 

 

 

ភ្នំពេញ៖ បុរស​ម្នាក់​រួម​ទាំង​អ្នក​ជិះ​២នាក់ទៀត​បើកបរម៉ូតូ​ទាំងស្រវឹងឡើងឃឿនរង្វង់មូលអូសជាង១០ម៉ែតរងរបួសធ្ងន់។​ហេតុការណ៍​នេះ​បាន​កើត​ឡើង​កាលវេលាម៉ោង២នឹង៥០នាទីថ្ងៃទី២០ខែគម្ភះឆ្នាំ២០១៧នៅចំណុចរង្វង់ចោមចៅ ស្ថិតនៅភូមិថ្នល់បំបែក សង្កាត់ចោមចៅ​ខណ្ឌពោធិ៍សែនជ័យ។​

តាម​ប្រភព​ព័ត៌មាន​ពី​កន្លែងកើតហេតុ​បាន​ប្រាប់អោយ​ដឹង​ថា​នៅ​មុន​ពេល​កើត​ហេតុ​គេ​ឃើញ​ជនរងគ្រោះទាំង៣នាក់ដោយមិនទាន់ស្គាល់អត្តសញ្ញាណដោយបើកម៉ូតូម៉ាកវីវ៉ា​ពណ៌ខ្មៅពាក់ស្លាក់លេខកំពង់ចាម 1A-4986 ធ្វើ​ដំណើរ​តាមបណ្ដោយផ្លូវ​ជាតិ​លេខ​៤​ក្នុងទិសដៅពីលិចទៅកើត យ៉ាងលឿនទាំងស្ថានភាពស្រវឹងរ៉េចង្កូត​ពេញផ្លូវ ។​លុះមកដល់ចំណុចកើតហេតុ​ស្រាប់​តែ​បើកឡើងលើឃឿនច្រមុះជ្រូកហើកដួលបោកនឹងសួនផ្កាផ្លោងឡើង​លើរង្វង់មូល បណ្តាលអោយដួលបោកនឹងថ្នល់ព្រមទាំងបោកនិង​ឃឿនរងរបួសធ្ងន់៣នាក់។
ក្រោយពេលកើតហេតុជនរងគ្រោះទាំង៣ត្រូវបានរថយន្តសាម៉ុយរបស់ឯកជន សម្ភព រស្មីបានដឹកយកទៅសង្គ្រោះភ្លាមៗផងដែរ​។​ ចំណែកម៉ូតូជនរងគ្រោះត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលចោមចៅដើម្បីយកទៅរក្សាទុករងចាំប្រគល់អោយជនរងគ្រោះវិញ៕​សារ៉េត​

 

 

 

 

Leave a Reply

Your email address will not be published. Required fields are marked *