ភ្នំពេញ៖ ជនសង្ស័យម្នាក់ជាមុខសញ្ញាក្រុមចោរប្លន់ត្រូវបានកម្លាំងនគរបាលខណ្ឌពោធិ៍សែនជ័យសហការជាមួយកម្លាំងនគរបាលប៉ុស្តិ៍ចោមចៅធ្វើការបង្ក្រាបបានជនសង្ស័យម្នាក់។ហេតុការណ៍នេះបានកើតឡើងកាលពីវេលាម៉ោង២និង៥០នាទីរសៀលថ្ងៃទី២០ខែគុម្ភះ ឆ្នាំ២០៧ នៅចំណុចផ្ទះជនសង្ស័យ ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ និងមានការផ្ទុះអាវុធជាច្រើនគ្រាប់ផង ដែរ។
ជនសង្ស័យត្រូវបានបានគេស្គាល់ឈ្មោះប៊ុត ធីឌុល ភេទប្រុសអាយុ២៨ឆ្នាំរស់នៅភូមិគោកចំបក់សង្កាត់ចោមចៅ ខណ្ឌពោធិ៍សែនជ័យ។
តាមប្រភពព័ត៌មានពីកម្លាំងនគរបាលម្នាក់បានលួចបង្ហើបអោយដឹងថា នៅមុនពេលឈានដល់ការចាប់ឃាត់ខ្លួនជនសង្ស័យកម្លាំងនគរបាលខណ្ឌពោធិ៍ធ្វើការតាមដានស្រាវជ្រាវអស់រយៈពេលជាយូរមកហើយ។រហូតដល់ថ្ងៃកើតហេតុកម្លាំងនគរបាលដែលតាមដានឃើញក៏បានសុំបញ្ជារផ្ទាល់ពីលោកវរៈសេនីយ៍ឯក យឹម សារ៉ាន់ អធិការនគរបាលខណ្ឌ ទើបកម្លាំងធ្វើចុះការបង្ក្រាបឆែកឆេផ្ទះជនសង្ស័យប៉ុន្តែជនសង្ស័យបានព្យាយាមគេចពីកម្លាំងនគរបាលធ្វើអោយសម្រេចផ្ទុះអាវុធអស់ជាច្រើនគ្រាប់រហូតឃាត់ខ្លួនបាន។
តាមប្រភពដដែលបានបន្តថា ជនសង្ស័យខាងលើនិងបក្ខពួកតែងតែកាប់ប្លន់យកទ្រព្យសម្បត្តិពីប្រជាពលរដ្ឋដែលទៅអង្គុយលេងនៅដីវាលក្រោយសួនកាណាឌីយ៉ាជាញឹកញាប់។ បន្ទាប់មកកម្លាំងនគរបាល បានចាប់ខ្លួនបក្ខពួកបាន២នាក់ ក្នុងនោះ ទី១,ឈ្មោះ ប៊ូ រី អាយុ២៣ឆ្នាំ មុខរបរជាងដែក ស្នាក់នៅផ្ទះក្នុងភូមិគោក ចំបក់ សង្កាត់ចោមចៅ ទី២, ឈ្មោះ អន វណ្ណ: អាយុ២៤ឆ្នាំ ស្នាក់នៅផ្ទះជួល ភូមិជាមួយគ្នាមានស្រុកកំណើត នៅស្រុកពញាឮ ខេត្តកណ្តាល។
សូមបញ្ជាក់ថា៖ជនសង្ស័យទាំងពីរនាក់ធ្លាប់បានសាកសួរនិងកសាងសំណុំរឿង បញ្ជូនទៅតុលាការរួចរាល់ហើយដែរ។ រហូតមកទល់ពេលនេះទើបចាប់បានមេខ្លោងខាងលើម្នាក់ទៀត។
ក្រោយពេលកើតហេតុជនសង្ស័យត្រូវបានកម្លាំងនគរបាលបញ្ជូនទៅអធិការនគរបាលខណ្ឌពោធិ៍សែនជ័យធ្វើការសាកសួនិងកសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕សារ៉េត