កម្មករ​សំណង់​ម្នាក់​សង្ស័យ​ខ្យល់​គ​ស្លាប់​នៅ​ក្នុង​ការ​ដ្ឋាន​បង្ក​អោយ​មាន​ការ​ភ្ញាក់ផ្អើល​ដល់​ប្រជាពលរដ្ឋ​ចោម​រោម​មើល​

0
259

 

 

 

 

 
ភ្នំពេញ​៖​បុរស​ម្នាក់​ជា​កម្មករ​សំណង់​សង្ស័យ​ខ្យល់​គ​ស្លាប់​នៅ​ក្នុង​ការ​ដ្ឋាន​បង្ក​អោយ​មាន​ការ​ភ្ញាក់ផ្អើល​ដល់​ប្រជាពលរដ្ឋ​ចោម​រោម​មើល​ទាំង​ព្រឹក​ ខណៈដែល​កម្មករ​ដូច​គ្នា​ចូល​ទៅ​ធ្វើការ​។ហេតុការណ៍​នេះ​បាន​កើត​ឡើង​កាល​ពី​វេលា​ម៉ោង​៦:៣០នាទី​ព្រឹក​ថ្ងៃ​ទី​២២ខែ​កុម្ភះឆ្នាំ​២០១៧ស្ថិតនៅ​ការ​ដ្ឋាន​សំណង់​បូរី​សែន​មនោរម្យ​ក្នុង​ភូមិ​កន្ទោក​ខាង​ជើង​សង្កាត់​កន្ទោក​ខណ្ឌ​ពោធិ៍​សែនជ័យ​។
សាកសព​ជន​រងគ្រោះ​ត្រូវបាន​គេ​ស្គាល់​ឈ្មោះ​នុត​ សុី​ថា​ អាយុ​៣៧ឆ្នាំ​មុខ​របរ​កម្មករ​សា្នក់​នៅ​ភូមិ​កើត​ហេតុ​ខាង​លើ​ មាន​ស្រុក​កំណើត​នៅ​ភូមិ​តាជៃ​ឃុំ​បឹង​ព្រះ​ ស្រុក​បាភ្នំ​ខេត្ត​ព្រៃវែង​។
តាម​ប្រភព​ព័ត៌មាន​ពី​កន្លែងកើតហេតុ​បាន​អោយ​ដឹង​ថា​នៅ​មុន​ពេល​កើត​ហេតុ​ គេ​ឃើញ​ជន​រងគ្រោះ​ធ្វើ​ការ​ក្នុង​បូរី​ខាង​លើ​ជា​រៀង​រាល់​ថ្ងៃ​។រហូត​ថ្ងៃ​កើត​ហេតុ​មាន​កម្មករ​សំណង់​ដូច​គ្នា​បាន​នាំ​គ្នា​ចូល​មក​ធ្វើការ​ដូច​សព្វ​ដង​ស្រាប់​តែ​ប្រទះឃើញ​ជន​រងគ្រោះ​បាន​ស្លាប់​បាត់បង់​ជីវិត​ទៅ​ហើយ​ សង្ស័យ​ជា​ករណី​ខ្យល់​គ​ក៏​បង្ក​ឲ្យ​មាន​ការ​ភ្ញាក់ផ្អើល​ដល់​ប្រជាពលរដ្ឋ​ដែល​រស់នៅ​ក្បែរ​កន្លែង​កើត​ហេតុ​ចោម​រោម​មើល​ព្រម​ទាំង​រាយការណ៍​ប្រាប់​កម្លាំង​នគរបាល​មូលដ្ឋាន​មក​កន្លែង​កើត​ហេតុ​។
ក្រោយ​ពី​កើតហេតុ​គេ​ឃើញ​នគរបាល​មូលដ្ឋាន​សហការ​ជាមួយ​ប្រជា​ការ​ពារ​ភូមិ​ចុះ​មក​កន្លែង​កើត​ហេតុ​ដើម្បី​ធ្វើ​កោសល្យវិច័យ​។
បច្ចុប្បន្ននេះ​សាកសព​ត្រូវ​បាន​កម្លាំង​នគរបាល​មូលដ្ឋាន​សហការ​ជាមួយ​នគរបាល​ជំនាញ​នៃ​ស្នង​ការ​រាជ​ធានី​ភ្នំពេញ​ចុះ​មក​ធ្វើ​កោសល្យវិច័យ​៕សារ៉េត​

 

 

LEAVE A REPLY

Please enter your comment!
Please enter your name here