ខេត្តប៉ៃលិន÷សមត្ថកិច្ចជំនាញចរាចរណ៍នៃអធិការដ្ឋាននគរបាលស្រុកសាលាក្រៅបានឲ្យដឹងថា នៅវេលាម៉ោង ០១ និង ១០នាទីយប់ ថ្ងៃទី១៦ ខែវិច្ឆិកា ឆ្នាំ២០២២ មានករណីគ្រោះថ្នាក់ចរាចរណ៍១ករណី (រវាងរថយន្ដ និងម៉ូតូ) នៅចំណុចមុខអនុសាខាកាកបាទក្រហមស្រុកសាលាក្រៅ ស្ថិតនៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិនបណ្ដាលឱ្យរងរបួសធ្ងន់ ២នាក់និងខូចម៉ូតូ ១គ្រឿង។
មន្រ្តីនគរបាលចរាចរឲ្យដឹងថាភាគីម្ចាស់រថយន្តឈ្មោះ សូ សុីណា ភេទប្រុស អាយុ ២៧ ឆ្នាំ(អាជីវករ) រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ បុរសនេះបើកបររថយន្តម៉ាក FORD RANGER WILDTRAK ពាក់ស្លាកលេខភ្នំពេញ 2BW-9449 (មិនរបួស )ដោយមានអ្នករួមដំណើរជាមួយរថយន្ត ឈ្មោះ សា ទី ភេទប្រុសអាយុ២០ឆ្នាំ រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ចំណែកអ្នកបើកបរម៉ូតូឈ្មោះ យន់ ភេទប្រុស អាយុ២៣ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន។បុរសនេះ
បើកបរម៉ូតូម៉ាកហង់ដាទ្រីមពណ៌ក្រហម ពាក់ស្លាកលេខ ប៉ៃលិន 1C-5782 (រងរបួសធ្ងន់បាក់ភ្លៅខាងឆ្វេង )។ អ្នករួមដំណើរជាមួយម៉ូតូ ពុំស្គាល់ត្តសញ្ញាណ ជាអ្នកគប់រថយន្ត ( រងរបួសធ្ងន់)។
ករណីនេះសមត្ថក៨ច្ចអះអាងថា កើតឡើងដោយសារភាគីខាងម៉ូតូបានជិះម៉ូតូទិសដៅពីលិចទៅកើតពេលដល់ចំណុចមុខហាងស្ថាននីយ៍ម៉ូកាថាក់ក៍បានយកដំុឥដ្ឋគប់មកលើរថយន្តFORD ដែលចតនៅចិញ្ចើមផ្លូវខាងមុខហាង។ពេលនោះម្ចាស់រថយន្តខឹងក៍បានបើករថយន្តលើផ្លូវជាតិលេខ៥៧តាមពីក្រោយ ដល់កន្លែងកើតហេតុក៍បានកៀរម៉ូតូជនបង្កឲ្យដួល ទៅបុកបង្គោលភ្លើងសូឡាបណ្ដាលឲ្យជនទាំង២នាក់រងរបួសធ្ងន់នៅកន្លែងកើតហេតុតែម្តង៕
សំបូរ
