កូនតុងទីន ប្តឹងមេតុងទីន បោកលុយជាង ១០ម៉ឺន ដុល្លារ

0
173

ភ្នំពេញ ៖ កូន​តុងទីន​ប្រមាណ​ជាង​១០​នាក់ នាំ​គ្នា​ចាប់​ឃាត់ខ្លួន​ស្ដ្រី​ជា​មេ​តុងទីន​ម្នាក់ប្រគល់​ឲ្យ​នគរបាល​ប៉ុស្ដិ៍​ព្រែក​តា​សេក កាលពី​វេលា​ម៉ោង​២​រសៀល ថ្ងៃ​ទី​២៦ ខែកុម្ភៈ ឆ្នាំ​២០១៧​នេះ ត្រង់​ភូមិ​ព្រែក​តា​គង់ សង្កាត់​ព្រែក​តា​សេក ខណ្ឌ​ជ្រោយចង្វា​ដោយ​ចោទ​ថា​រំលោភ​លើ​សេចក្ដី​ទុកចិត្។

ស្រី្តមេតុងទីននេះឈ្មោះ សុខ សំណាង អាយុ​២២​ឆ្នាំ ហៅ​ភ​ន មាន​ទីលំនៅ​នៅ​ភូមិ​ឃុំ កើតហេតុ​ខាងលើ​ត្រូវបានកូន​តុងទីន​ជាង​១០​នាក់​នោះនាំគ្នា​អះអាង​ថា ពួក​គាត់​បាន​លេង​តុងទីន​ជាមួយ​ស្ដ្រី​ខាងលើ ជា​ច្រើន​ក្បាលមាន ក្បាល​១០០​ដុល្លារ ៥០​ដុល្លារ ២០​ដុល្លារ និង​១០​ដុល្លារ​ជាដើម ហើយ​ក្បាល​ខ្លះ​ដេញ​១​ខែ​ម្ដង កន្លះ​ខែ​ម្ដង ១​ស​ប្ដា​ហ៍​ម្ដង និង​ក្បាល​ដេញ​រាល់ថ្ងៃ​ក៏​មាន ការ​លេង​នេះ​មាន​មាន​រយៈពេល​ច្រើន​ឆ្នាំ​មក​ហើយ​ដែរ​។

លុះមកដល់ថ្ងៃ​ទី​២១ ខែមករា កន្លង​មកនេះ ស្ដ្រី​ដែល​ជា​មេ​តុងទីន បាន​បិទទ្វារ​ចាក់សោ​ផ្ទះ គេចខ្លួន​បាត់​ដំណឹង​សូន្យ​ឈឹងជាងមួយខែហើយ​។ មកដល់​រសៀល​ថ្ងៃ​ទី​២៦ កុម្ភៈ នេះ​ពួក​គាត់​ជា​កូន​តុងទីន បាន​ទាក់ទង​បាន ហើយ​ណាត់គ្នា​ជួប​នៅផ្ទះ​របស់​មេ​តុងទីន​នោះ ហើយ​បាន​ជជែក​គ្នា​រហូត​ក្លាយជា​ទំនាស់​បង្ក​ឲ្យ​មាន​ភាព​ឆោ​​ឡោ​ឡើង ផ្អើល​ដល់​សមត្ថកិច្ចមូលដ្ឋាន​។

មិនតែប៉ុណ្ណោះបុរស​ដែល​ជា​ប្ដី​របស់​មេ​តុ​ទី​ន ថែមទាំងបាន​ដក​កាំភ្លើង​គំរាម​ពួក​គាត់​ទៀត​ផង ទើប​បណ្ដាល​ឲ្យ​ពួក​គាត់​មិនសុខចិត្តនាំ​គ្នាមកប្តឹង​ឲ្យ​សមត្ថកិច្ច​នគរបាល​ប៉ុស្ដិ៍​ព្រែក​តា​សេក ជួយ​ធ្វើ​អន្តរាគមន៍ ព្រមទាំង​ពួក​គាត់​បាន​នាំ​គ្នា​ផ្ដិត​មេដៃ​ធ្វើ​ពាក្យបណ្ដឹង​មេ​តុងទីន​រូប​នោះ និង​ឈាន​ទៅ​ការ​ចាប់​ឃាត់ខ្លួន​ផង​ដែរ​។

នគរបាល ប៉ុស្ដិ៍​ព្រែក​តា​សេក​បាន​ឲ្យ​ដឹង​ថា ប្រាក់​ដែល​មេ​តុងទីន​បាន​បោក​នោះ ហើយ​ត្រូវ​កូន​តុងទីន​ទាំង​១៣​ម្នាក់​បាន​ប្ដឹង មាន​ទឹកប្រាក់​ប្រមាណ​ជិត​១០​ម៉ឺន​ដុល្លារ ក្រៅពី​នេះនោះ​នៅ​មានកូន​តុងទីន​ផ្សេង​ៗ​ទៀត​ពុំ​ទាន់​បាន​ដាក់​ពាក្យបណ្ដឹង​មាន​ទឹកប្រាក់​ជា​ច្រើន​ម៉ឺន​ដុល្លារ​ទៀត​ហើយសមត្ថកិច្ចកំពុងដោះស្រាយនៅឡើយ ៕ អូន  ធួក

LEAVE A REPLY

Please enter your comment!
Please enter your name here