ភ្នំពេញ ៖ លោក ប៉ា សុជាតិវង្ស អភិបាលរាជធានីភ្នំពេញ នាម៉ោង៣រសៀលថ្ងៃទី២៨ កុម្ភៈ នេះ បានអញ្ជើញចុះមកត្រួតពិនិត្យនៅតំបន់ត្រពាំងឈូកផ ក្នុងសង្កាត់ទឹកថ្លា ខណ្ឌសែនសុខ ជាកន្លែងជួញដូរ និងប្រើប្រាស់គ្រឿងញៀន បង្រ្កាបមិនឈ្នះ ក្រោយពីកម្លាំងសមត្ថកិច្ចចម្រុះខណ្ឌសែនសុខ បានធ្វើការចុះបង្ក្រាបជាច្រើនលើក និងរុះរើសំណង់អាណាធិបតេយ្យ ក្នុងរយៈពេល១ខែកន្លងមកនេះបាន៩៨បន្ទប់ ។
លោកអភិបាលបានជំរុញឲ្យគណបញ្ជាការឯកភាពសែនសុខ បន្តបង្រ្កាបគ្រឿងញៀននៅ តំបន់ត្រពាំងឈូកនេះជាបន្តទៀតដោយធ្វើយ៉ាងណាលុបបំបាត់នៅទីនេះឲ្យបាន ៕ អូន ធួក
