កណ្ដាល៖ មានឧប្បត្តិហេតុគ្រោះថ្នាក់ចរាចរណ៍មួយកើតឡើងរវាងរថយន្តបុកម៉ូតូ កាលពីម៉ោង ០០និង១០នាទីរំលងអាធ្រាត្រ ឈានចូលថ្ងៃទី២ ខែមីនា ឆ្នាំ២០១៧ នៅចំណុចគល់ស្ពានជប៉ុនខាងត្បូង លើផ្លូវលេខ២០៦កែង21A ស្ថិតក្នុងភូមិតាខ្មៅ សង្កាត់តាខ្មៅ ក្រុងតាខ្មៅ បណ្តាលឲ្យបុរសម្នាក់បានស្លាប់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសស្រាល ។
មុនពេលកើតហេតុ រថយន្តម៉ាក Hyundai ពណ៌ខៀវ ពាក់ស្លាកលេខ ភ្នំពេញ 2P 5602 អ្នកបើកបរមិនស្គាល់អត្តសញ្ញាណ(គេចបាត់) បើកបរក្នុងទិសដៅពីលិចទៅកើត មកដល់ចំណុចខាងលើ បានបុកជាមួយម៉ូតូ០១គ្រឿង ម៉ាក Honda Scoopy ពណ៌ខ្មៅ ពាក់ស្លាកលេខ កណ្តាល 1P 0777 (មានកញ្ចក់មើលក្រោយ និងពាក់មួកសុវត្ថិភាព) អ្នកបើកបរឈ្មោះ វុធ ដាវីត ភេទប្រុស អាយុ២៣ឆ្នាំ មានទីលំនៅក្នុងភូមិតាខ្មៅ២ សង្កាត់តាខ្មៅ ក្រុងតាខ្មៅ និងអ្នករួមដំណើរពីក្រោយ ឈ្មោះ វណ្ណ ចំរើន ភេទប្រុស អាយុ២៥ឆ្នាំ មានទីលំនៅក្នុងភូមិឃុំ ជាមួយអ្នកបើកបរ បើកបរក្នុងទិសដៅពីត្បូងមកជើង បណ្តាលឲ្យអ្នករួមដំណើរពីក្រោយម៉ូតូស្លាប់នៅកន្លែងកើតហេតុ រីឯអ្នកបើកបរម៉ូតូរងរបួសស្រាលបាន ៕ សំបូរ
