រឹបអូសថ្នាំញៀន៥កញ្ចប់ធំ ឃាត់ខ្លួនមេខ្លោងថ្នាំញៀនជនជាតិឡាវ ម្នាក់

0
171

ស្តឺងត្រែង៖ កាលពី​ម៉ោង៩ព្រឹកថ្ងៃទី៤ ខែមីនា ឆ្នាំ២០១៧នេះ កម្លាំង​ការិយាល័យ​ផ្សព្វផ្សាយ(ក៩) នៃ​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ សហការជាមួយនគរបាលទំនាក់ទំនង​ច្រកទ្វារ​អន្តរជាតិ ច្រក​ត្រពាំង​ក្រៀល​ហៅ​កាត់​ថា BLOបាន​បង្ក្រាប​គ្រឿងញៀន​ទ្រង់ទ្រាយធំ​ដោយរឹបអូសថ្នាំញៀនបាន៥កញ្ចប់ធំ ​ព្រមទាំងឃាត់ខ្លួនបុរស​ជនជាតិ​ឡាវ​ម្នាក់ជាមេខ្លោងដ៏ធំមួយផងដែរ នៅ​ភូមិសាស្ត្រ​ភូមិ​ខាំ​ផាន់ សង្កាត់ សាមគ្គី ក្រុង​ស្ទឹងត្រែង​ក្បែរ​ព្រំដែន​ច្រក​អន្តរជាតិ កម្ពុជា​-​ឡាវ ។

​សមត្ថកិច្ច​បានបញ្ជាក់​ថា ជនសង្ស័យ​ដែល​ត្រូវបាន​ឃាត់ខ្លួន ​មានឈ្មោះ ម៉ៃ សន​សៃ​យ៉ា​ញ៉ា​ខាម​ភេទ​ប្រុស​អាយុ​៣៩​ឆ្នាំ​ជនជាតិ​ឡាវ​។ មុនពេល​ឃាត់ខ្លួន ជនសង្ស័យ​មាន​ទីលំនៅ​ភូមិ​ណា​ឌី ស្រុក​វៀង​ថង​ខេត្ត​បូ​លី​ខាំ​សៃ​ប្រទេស​ឡាវ​។ ជននេះត្រូវបាននាំខ្លួន មកកាន់​ស្នងការដ្ឋាន​នគរបាល​ខេត្តស្ទឹងត្រែង ដើម្បី​បន្ត​នីតិវិធី​ច្បាប់​។សមត្ថកិច្ចកំពុងស្រាវជ្រាវតាមចាប់បក្សពួកជាចើននាក់ទៀត ៕ សំបូរ

 

LEAVE A REPLY

Please enter your comment!
Please enter your name here