ព្រះវិហារៈ សពបុរសវ័យជាង៥០ឆ្នាំម្នាក់ត្រូវបានគេប្រទះឃើញស្លាប់ស្អុយក្នុងព្រៃ បន្ទាប់ពីបាត់ពីផ្ទះជាង៩ថ្ងៃកូនចៅដើររកមិនឃើញ ។
សាកសពបុរសរងគ្រោះម្នាក់នេះត្រូវបានគេប្រទះឃើញ កាលពីថ្ងៃទី០២ វិច្ឆិកា ២០១៦ បន្ទាប់ពីកូនរបស់គាត់ឈ្មោះដូង រាជ ភេទប្រុស អាយុ២៥ឆ្នាំ ប្តឹងសមត្ថកិច្ចថា បានបាត់ឪពុករបស់ខ្លួន រកមិនឃើញរយៈពេល៩ថ្ងៃហើយ ។
បន្ទាប់ពីទទួលបណ្តឹងភ្លាមៗ សមត្ថកិច្ចបានដើរស្វែងរកក្នុងព្រៃពេញមួយថ្ងៃ ក្រោយដឹងថា មុនស្លាប់ជនរងគ្រោះប្រាប់កូនថា ទៅដងជ័រទឹកក្នុងព្រៃ ។ លុះនាំគ្នាដើររក ក៏ប្រទះឃើញសាកសពចម្ងាយពីខ្ទមជនរងគ្រោះស្នាក់នៅ ប្រមាណជិត២គីឡូម៉ែត្រ ដែលហើមស្អុយរលួយទៅហើយ ទើបសមត្ថកិច្ចសន្និដ្ឋានជាជំហានដំបូងថា ជនរងគ្រោះ អាចស្លាប់ដោយសារសត្វពោះចឹក ៕
