ភ្នំពេញ៖ ថៅកែម្នាក់ទិញកង់៣សំរាប់អោយគេជួលដល់ថ្ងៃបង់លុយមិនឃើញមកបង់បាន២ថ្ងៃទើបដាក់ពាក្យបណ្តឹងក៏មករកឃើញឃើញនៅសង្កាត់ចោមចៅ។ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង ១រំលងអាត្រាតឈានចូលថ្ងៃទី១៤ខែមិនាឆ្នាំ២០១៧ ស្ថិតនៅចំណុចឃ្លាំង អត់យីហោ មួយកន្លែងតាមបណ្តោយផ្លូវ វេងស្រេង ភូមិជ្រៃកោងសង្កាត់ចោមចៅ ខណ្ឌពោធិ៍សែនជ័យ។
ជនសង្ស័យទទួលផលចោរកម្មឈ្មោះវណ្ណា វិសាល អាយុ៣៦ឆ្នាំ មុខរបរទទួលរបស់បញ្ចាំស្នាក់នៅសង្កាត់ទឹកល្អក់៣ខណ្ឌទួលគោគ រាជធានីភ្នំពេញ។ចំណែកឯម្ចាស់កង៣ ឈ្មោះថាំ វាន់សុផល់អាយុ ៣៦ឆ្នាំមុខរបរមន្រីយ នគរបាល រស់នៅសង្កាត់បឹងសាឡាង ខណ្ឌទួលគោគ។
តាមប្រភពពត៌មានពីថៅកែកង់៣បាននិយាយថាកង់៣របស់គាត់ទុកសំរាប់ជួលអោយ ប្រជាពលរដ្ឋ ដែលមិនមានលិទ្ធភាពទិញរត់ហើយគាត់បានជួលអោយជនសង្ស័យ ម្នាក់យកទៅរត់ជាច្រើនខែមកហើយដោយក្នុងចំនួន១០ថ្ងៃយកតំលៃជួលម្តងស្មើនឹង៥០ដុល្លារ៍ បើគិតជាថ្ងៃ ក្នុង១ថ្ងៃចំនួន៥ដុល្លារ៍។
តាមប្រភពដដែលបានបន្តទៀតថា លុះដល់ថ្ងៃទី១១ខែមិនាឆ្នាំ២០១៧ដែលជាថ្ងៃត្រូវបង់ មិនឃើញជនសង្ស័យដែលមកជួលមកបង់លុយ ហើយបានចំនួន២ថ្ងៃ បានគាត់តេទំនាក់ទំនងតាមទូរស័ព្ទ តែតេមិនចូលឡើយហើយមានការសង្ស័យ គាត់បានឆែកមើលតាមGPS បានឃើញរម៉ករបស់គាត់ដែលមានទីតាំងនៅសង្កាត់ចោមចៅ។បន្ទាប់មករូបគាត់បានមកដាក់ពាក់បណ្តឹនៅ ប៉ុស្តិ៍នគរបាលរដ្ឋបាលចោមចៅដើម្បីអោយសមត្ថកិច្ចជួយអន្តរាគមន៍ផងលុះនៅវេលាម៉ោងកើតហេតុពួកគាត់បានរកឃើញឃ្លាំងនៅចំណុចកើតហេតុខាងលើ។
ប្រភពពីសមត្ថកិច្ចបាននិយាយថាពេលភ្លាមនោះកំលាំងប៉ុស្តិ៍សហការជាមួយនគរបាលអន្តរាគមន៍ខណ្ឌពោធិ៍សែនជ័យ បានមកឡោមព័ទចំណុចឃ្លាំងខាងព្រមទាំងហៅម្ចាស់ទីតាំងមកសាកសួរ៕សារ៉េត