ខេត្តកណ្តាល៖ បុរស២នាក់ផឹកស្រាជាមួយគ្នា រហូតដល់ស្រវឹងរៀងៗខ្លួនកើតពាក្យឌឺដងទៅវិញទៅមកបង្កជាហឹង្សាកាប់ប្រហារព្រមទាំងវាយដំបងបណ្ដាលឲ្យម្ខាងរងរបួសដេកមន្ទីរពេទ្យនឹងម្នាក់ទៀតជាប់ខ្នោះ។ហេតុការណ៍នេះបានកើតឡើងកាលពីវេលាម៉ោង២២៖៣០នាទីយប់ថ្ងៃទី១៤ខែមិនាឆ្នាំ២០១៧ស្ថិតនៅចំណុចភូមិសំរោងឃុំលើកដែក ស្រុកកោះធំ ខេត្តកណ្តាល។
ជនរងគ្រោះត្រូវបានគេស្គាល់ឈ្មោះ វណ្ណា ម៉ាប់ ភេទប្រុស អាយុ ៣៧ឆ្នាំ ជនជាតិវៀតណាម មានទីលំនៅ ភូមិសំរោង ឃុំលើកដែក ស្រុកកោះធំ ខេត្តកណ្ដាលមុខរបរ កសិករ។ចំណែកឯជនសង្ស័យឈ្មោះ ស្រស់ ស្រីស្រួល(ហៅមាស) ភេទប្រុស អាយុ ២៥ឆ្នាំ ជនជាតិខ្មែរ មានទីលំនៅ ភូមិសំរោងឃុំលើកដែក ស្រុកកោះធំ ខេត្តកណ្ដាលមុខរបរ កម្មករ។
តាមប្រភពពត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញជនរងគ្រោះនិងជនសង្ស័យបានផឹកស្រា ស ជាមួយគ្នា រហូតដល់ស្រវឹងយ៉ាងខ្លាំងរាងៗខ្លួន។ រួចជនរងគ្រោះក៏បាននិយាយឌឺដងអោយជនសង្សយ័ថា ឯងកុំខ្លាំង ដាក់អញ សូម្បីតែ កាលពីទៅធ្វើកម្មករនៅប្រទេសថៃទាំងពីរនាក់ ក៏ឯងរកលុយចាញ់អញដែរ។ នៅពេលនោះជនសង្ស័យខឹងបានជេគ្នាទៅវិញទៅមកធ្វើអោយជនសង្សយ័បានដើរចេញពីកន្លែងផឹក ទៅយកកាំបិតនិងដែកបំពង់ទីប របស់ខ្លួន មកកាប់និងវាយជនរងគ្រោះបណ្ដាលអោយរងរបួសតែម្ដង។
បច្ចុប្បន្នជនរងគ្រោះត្រូវក្រុម គ្រួសារបានបញ្ជូនទៅព្យាលរបួសនៅប្រទេសវៀតណាម។ចំណែកឯជនសង្ស័យ និងវត្ថុតាង ត្រូវបាននគរបាលមូលដ្ឋានឃាត់ខ្លួន នៅធិការដ្ឋានគរបាលស្រុកកោះធំ ដើម្បីសាកសួរនិងកសាងសំណុំរឿងបញ្ជូនទៅកាន់តុលាការចាត់ការតាមនីតិវិធី៕សារ៉េត