ភ្នំពេញ៖បុរសម្នាក់បើករថយន្តធ្វើដំណើរពីផ្លូវឆ្ងាយងងុយដេកមួយភាំងជ្រុលទៅបុកថ្មចិញ្ចើមផ្លូវបណ្ដាលឲ្យក្រឡាប់ផ្ងារជើងតែសំណាងល្អមិនបង្កគ្រោះថ្នាក់ដល់អ្នកដទៃ។ហេតុការណ៍នេះបានកើតឡើងកាលពីវេលាម៉ោង៤:០០នាទីទាបភ្លឺថ្ងៃទី១៧ខែមិនាឆ្នាំ២០១៧ស្ថិតនៅតាមបណ្ដោយផ្លូវជាតិលេខ៥ត្រង់ចំណុចខាងជើងវិហារឥស្លាមភូមិដួងសង្កាត់ព្រែកព្នៅខណ្ឌព្រែកព្នៅ។
អ្នកបើកបររថយន្តត្រូវបានគេស្គាល់ឈ្មោះប៊ុន ឡូត ភេទប្រុសអាយុ២៥ឆ្នាំមុខរបរបើកបររស់នៅ ភូមិត្រឡាច ឃុំត្រឡាច ស្រុកទ្រាំង ខេត្តតាកែវ។ដោយបើកបររថយន្តម៉ាក FUSO ពាក់ស្លាកលេខភ្នំពេញ 3A-3793 ។
តាមប្រភពពត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេរថយន្តបង្កហេតុធ្វើដំណើរតាមបណ្ដោយផ្លូវជាតិលេខ៥ក្នុងទិសដៅពីជើងទៅត្បូង។លុះដល់ចំនុចកើតហេតុក៏បានរ៉េចង្កូតទៅបុកថ្មដាក់លើចិញ្ចើមផ្លូវបណ្តាលអោយក្រឡាប់តែម្តង។
តាមប្រភពពត៌មានពីអ្នកបើកបររថយន្តបង្កហេតុបានឲ្យដឹងទៀតថា នៅមុនពេលកើតហេតុគាត់បានធ្វើដំណើរពីផ្លូវឆ្ងាយស្រាប់តែមកដល់កន្លែងកើតហេតុងងុយដេកមួយភាំងជ្រុលចង្កូតទៅបុកថ្មចិញ្ចើមផ្លូវបណ្ដាលឲ្យក្រឡាប់ផ្ងារជើងតែម្ដង។ប៉ុន្តែសំណាងល្អមិនបង្កគ្រោះថ្នាក់ដល់អ្នកដទៃ។
ក្រោយពីកើតហេតុគេឃើញនគរបាលមូលដ្ឋានចុះទៅកន្លែងកើតហេតុដើម្បីធ្វើចរាចរណ៍និងយករថយន្តបង្កហេតុរក្សាទុករងចាំការដោះស្រាយនូវពេលក្រោយ៕សារ៉េត