ខេត្តពោធិ៍សាត់៖ បុរសម្នាក់ជាអ្នកសុីស្នួលអារដើមឈើអោយគេបានដាច់ខ្យល់ស្លាប់ភ្លាមៗនៅនឹងកន្លែង ខណៈត្រូវបានគេអះអាងថាដោយសារអារផ្ដួលរលំដើមឈើមួយដើមធំ ហើយបានភ្លាត់ស្នៀតមែកឈើបោកចំ។ហេតុការណ៍នេះបង្កការភ្ញាក់ផ្អើលឡើងកាលពីវេលាម៉ោង១៤ និង៣០នាទី ថ្ងៃទី២១ ខែមីនា ឆ្នាំ២០១៧ នៅចំណុចភូមិកណ្ដាល ឃុំថ្មដា ស្រុកវាលវែង ខេត្តពោធិ៍សាត់។
តាមប្រភពព័ត៌មានពីនគរបាលប៉ុស្តិ៍រដ្ឋបាលថ្មដាបានឲ្យដឹងថា ជនរងគ្រោះឈ្មោះ រុំ វណ្ណា ភេទប្រុស អាយុ ៥៣ឆ្នាំ សញ្ជាតិខ្មែរ មុខរបរកសិករ បច្ចុប្បន្ន រស់នៅភូមិ-ឃុំកើតហេតុខាងលើ។
តាមប្រភពដដែលបានបន្តទៀតថា មូលហេតុ ជនរងគ្រោះបានទៅអារផ្ដួលរលំដើមឈើមួយដើធំ ដើម្បីអារច្រៀកចេញធ្វើគ្រឿងលំនៅឋាន ប៉ុន្តែជាអកុសលក៏ភ្លាត់ស្នៀតនៅពេលដើមឈើដួលរលំត្រូវមែកដើមឈើវ័តបោកចំលើចិញ្ចើមខាងស្ដាំ បណ្ដាលឲ្យដួលប្រកាច់ដាច់ខ្យល់ស្លាប់ភ្លាមៗនៅនឹងកន្លែងយ៉ាងអាណោចអាធម័។ក្រោយពីដឹងថាជនរងគ្រោះស្លាប់អាជ្ញាធរមានសមត្តកិច្ចទទួលបានដំណឹងនេះភ្លាម បានសហការចុះទៅពិនិត្យដល់កន្លែងកើតហេតុ លទ្ធផលឃើញថាជនរងគ្រោះពិតជាស្លាប់ដោយមែកឈើវាយចំក្បាលពិតប្រាកដ មិនជាប់ពាក់ព័ន្ធនឹងករណីផ្សេងៗនោះទែ។
បច្ចុប្បន្ននេះសាកសពជនរងគ្រោះត្រូវបានកម្លាំងនគរបាលប៉ុស្តិ៍សហការជាមួយអាជ្ញាធរពាក់ព័ន្ធប្រគល់ទៅអោយក្រុមគ្រួសារនៃសពយកមកធ្វើបុណ្យតាមប្រពៃណីនៅឯគេហដ្ឋាន៕សារ៉េត