ស្ត្រី​ម្នាក់​ស្លាប់​នឹង​៧នាក់ទៀត​រង​របួស​ធ្ងន់​សំរាក​ព្យាបាល​មន្ទីរពេទ្យ​លោក​សង្ឃ​ ខណៈ​ដែល​ផ្ទុះ​ឡ​ចំហាយ​ទឹក​អ៊ុក​ខោអាវ​

0
415

 

 

 

 

 
ភ្នំពេញ​៖​ជីវិត​កើត​មក​មិន​ទៀង​កើត​ចាស់​ឈឺ​ស្លាប់​ នៅ​រស់​ចេះ​ធ្វើ​បុណ្យ​សន្សំ​កុសល​កើត​ទៅ​ជាតិ​មុខ​កុំ​អោយ​មាន​កម្ម​ពារ។​មាន​ហេតុការណ៍​ដ៏​គួរ​ឲ្យ​រន្ធត់​មួយ​បាន​កើតឡើង​ដល់​កម្ម​ករ​កម្មការិនី​ចេញ​ពី​ធ្វើ​ការ​ហូប​បាយ​ជួប​នឹង​គ្រោះ​រហូត​បាត់​បង់​ជីវិត​ម្នាក់​និង​៧នាក់​ទៀត​រងរបួស​ធ្ងន់​ ខណៈ​ដែល​ឡ​ចំហាយ​ទឹក​សំរាប់​អ៊ុក​ខោអាវ​ផ្ទុះ​ហោះធ្លាក់​លើ​ជនរងគ្រោះ​។​ហេតុការណ៍​នេះ​បាន​កើត​ឡើង​កាលពីវេលាម៉ោ១១នឹង៥០នាទីថ្ងៃត្រង់​ថ្ងៃទី២២ខែមិនា ឆ្នាំ២០១៧ស្ថិត​នៅចំនុចរោងចក្រកាត់ដេរខោ​អាវ សុីន​ តាយ​ ក្នុង​ភូមិ​ ដំណាក់​ សង្កាត់ភ្នំពេញថ្មី​ ខណ្ឌសែនសុខ​។
ជនរងគ្រោះ​ដែល​ស្លាប់​បាត់​បង់​ជីវិត​នោះ​ត្រូវ​បាន​គេ​ស្គាល់​ឈ្មោះ​ គង់​ សាម៉ន​ ភេទស្រីអាយុ​៤៥ឆ្នាំ​ មុខរបរកាត់ដេរ​ ស្នាក់នៅភូមិតាងួន​ សង្កាត់កាកាប​ ខណ្ឌពោធិសែនជ័យ​និង​របួស៧នាក់ទៀត​៖
១)ឈ្មោះ​ ខៀវ​ ខេន​ ភេទស្រីអាយុ​៤៣ឆ្នាំ​មុខ​របរ​កម្មករ​ស្នាក់នៅ​សង្កាត់​កាកាប​ខណ្ឌ​ពោធិ៍​សែនជ័យ​​។​២)ឈ្មោះ​ ស៊ុន​ សារី​ ភេទស្រីអាយុ​៣៣ឆ្នាំ​មុខ​របរ​កម្មករស្នាក់​នៅ​សង្កាត់​កាកាប​ខណ្ឌ​ពោធិ៍​សែនជ័យ​​។៣)​ ឈ្មោះ​ នឹប​អោម​ ភេទស្រីអាយុ​២២ឆ្នាំ​មុខ​របរ​កម្មករស្នាក់​នៅ​សង្កាត់​កាកាប​ខណ្ឌ​ពោធិ៍​សែនជ័យ​​។៤)​ឈ្មោះ​ អ៊ុំ​ សុភាព​ ភេទស្រីអាយុ​៣១ឆ្នាំ​មុខ​របរ​កម្មករ​ស្នាក់នៅ​ សង្កាត់​កាកាប​ខណ្ឌ​ពោធិ៍​សែនជ័យ​​​។​៥)​ឈ្មោះ​ ហៃ​ ស្រី​ស​ ភេទស្រីអាយុ​៣៧ឆ្នាំ​មុខ​របរ​កម្មករ​ស្នាក់នៅ​សង្កាត់​ភ្នំពេញថ្មី​ខណ្ឌ​សែនសុខ។៦)ឈ្មោះ​ មុីង​ ស្រី​ម៉ៅ​ ភេទស្រីអាយុ​២៣ឆ្នាំ​មុខ​របរ​កម្មករ​ស្នាក់នៅ​សង្កាត់​កាកាប​ខណ្ឌ​ពោធិ៍​សែនជ័យ​។៧)ឈ្មោះ​ លូ​ ឃុន​នី​ ភេទស្រីអាយុ​២២ឆ្នាំ​មុខ​របរ​កម្មករ​ស្នាក់នៅ​សង្កាត់​កាកាប​ខណ្ឌ​ពោធិ៍​សែនជ័យ​។
តាម​ប្រភព​ព័ត៌មាន​ពី​កន្លែងកើតហេតុ​បាន​អោយ​ដឹង​ថា​ នៅ​មុន​ពេល​កើត​ហេតុ​គេ​ឃើញ​ជន​រងគ្រោះ​មក​ធ្វើ​ការ​នៅ​ក្នុង​រោង​ចក្រ​កន្លែង​កើត​ហេតុ​ដូច​សព្វ​ដង​។បន្ទាប់មក​ដល់​ម៉ោង​សំរាក​ហូប​បាយ​នៅ​ក្នុង​រោង​ ទល់មុខ​អាគារ​រោងចក្រ​ ស្រាប់​តែ​ឡ​ ចំហាយ​ទឹក​សំរាប់​អ៊ុក​ខោអាវ​ផ្ទុះ​ហោះ​ឡើង​លើ​ចំងាយ​ប្រហែល​៥០​ម៉ែត្រ​ធ្លាក់​មក​ត្រូវ​ជន​រង​គ្រោះ​ស្លាប់​បាត់​បង់​ជីវិត​ម្នាក់​ភ្លាមៗ​នៅ​នឹង​កន្លែង​កើត​និង​កម្ម​ការិនី​៧នាក់ទៀត​ដែល​នៅ​ជិត​គ្នា​រង​របួស​ធ្ងន់​។
បច្ចុប្បន្នសាក​សពជនរងគ្រោះរងចាំសាច់ញាត្តិយកទៅធ្វើបុណ្យតាមប្រពៃណី​ ចំ​ណែក​ឯ​អ្នក​រងរបួសកំពុងសំរាកព្យាបាលនៅមន្ទីពេទ្យ​ព្រះ​កុសមៈ​ហៅ​មន្ទីរពេទ្យ​លោក​សង្ឃ​៕សារ៉េត​

 

 

LEAVE A REPLY

Please enter your comment!
Please enter your name here