​សម្ដេច​តេជោ​ហ៊ុន​សែន​ប្រកាស​អោយ​បោសសម្អាត​អ្នក​កាប់​ឈើ​ លោក កែប កត់ នាយ​ខ័ណ្ឌ​រដ្ឋបាល​ព្រៃឈើ លោក​ថង សាវុន អភិបាលខេត្ត បើកដៃ​ឲ្យ​ឈ្មួញ​ឈើ​ប្រណីត​ឈ្មោះ​វ៉ៃ​ដឹ​កញ្ជូន​យ៉ាង​អនាធិបតេយ្យ​

0
235

 

 

ខេត្ត​រតនគិរី ៖ ទោះបី​ សម្ដេច​តេជោ​ហ៊ុន​សែន​ប្រកាស​ក្ដែងៗ​អោយ​បោសសម្អាត​អ្នក​កាប់​ឈើ​បន្ត​ទៀត​យ៉ាង​ណា​ក៏​ដោយ​ក៏​នូវ​តែ​មានបទល្មើស​ព្រៃឈើ និង​ដឹកជញ្ជូន​ឈើ​ប្រណីត​យកទៅលក់​ប្រទេស​វៀតណាម​យ៉ាង​ អាណាធិបតេយ្យ​ពុំ​មាន​ការថយចុះ​នោះទេ រឹតតែ​បន្ត​កើតឡើង​ ដោយ​មាន​ការឃុបឃិត​បើកភ្លើង​ខៀវ​ពី​អាជ្ញាធរ​ពាក់ព័ន្ធ ជាពិសេស​ជំនាញ​រដ្ឋបាល​ព្រៃឈើ​មួយចំនួន​មិន​អនុវត្ត​បទបញ្ជា​ប្រមុខ​រាជរដ្ឋាភិបាល​។​ជំនួញ​ដឹកជញ្ជូន​ឈើ​ប្រណីត​យកទៅលក់​នៅ​ប្រទេស​វៀតណាម​នេះ​ ​កំពុង​កើតឡើង​យ៉ាង​ពេញបន្ទុក​ហើយ​នៅ​ខេត្ត​ភាគ​ឥ​សាន្ត​រតនគីរី គេ​សង្កេត​ឃើញ​ក្រុម​ឈ្មួញ​រកស៊ី​បទល្មើស​ព្រៃឈើ​ឡើង​ដុះ​ស្លែ​ប្រចាំ​ខេត្ត​រតនគីរី (​មាន​ឈ្មោះ​លោក​វៃ មាន​ឈ្មោះ​ចែ​ច្រឹប​) ជា​អធិរាជ​ជំនួញ​ឈើ​ប្រណីត​យកទៅ​លក់​ប្រទេស​វៀតណាម តាម​ច្រកព្រំដែន​អន្តរជាតិ​និង​ច្រ​របៀង​នានា ដោយ​គ្មាន​សមត្ថកិច្ច​ណា​ហា៑ន​ធ្វើការ​បង្ក្រាប​សកម្មភាព​រថ​យន្ត​​ដឹកឈើ​ប្រណីត​របស់​លោក​វៃ​នោះឡើយ ។ដោយ​លោក​វៃ បាន​ធ្វើ​ការទំនាក់ទំនង​ល្អ​ជាមួយ​លោក កែប កត់ នាយ​ខណ្ឌ​រដ្ឋបាល​ព្រៃឈើ លោក​ថង សាវុន អភិបាលខេត្ត និង​សមត្ថកិច្ច​ពាក់​ពន្ធ័​មួយ​ចំនួន​ទៀត​បិទ​ភ្នែក​បិទ​ច្រមុះ​ដើម្បី​ងាយស្រួល​ក្នុង​ការដឹកជញ្ជូន​ឈើប្រណិត របស់​ខ្លួន​បាន​យ៉ាង​រលូន​តាម​រថយន្ត​ប្រភេទ​យី​ឌុប មិនមាន​វិធានការ​ទប់ស្កាត់​ពីរ​សមត្ថកិច្ច​ពាក់​ពន្ធ័​កត្តា​ទាំងនេះ​បណ្តាល​ឲ្យ​វិនាស​ហិនហោ​ច​ព្រៃឈើ​និង​ខូចខាត​ផ្លូវលំ ផ្លូវ​ជាតិ​ជា​ខ្លាំង។

​មេ​ឈ្មួញ​ឈើ​ប្រណតី​ឈ្មោះវៃ​បាន​រកស៊ី​ដឹក​ឈើ​យកទៅ​លក់​ប្រទេស​វៀតណាម​ឡើង​ដុះ​ស្លែ គ្មាន​សមត្ថកិច្ច​ហា៑ន​បង្ក្រាប​ដោយ​លោក​វៃ បាន​រៀបចំ​កញ្ចប់​ថវិកា​ប្រចាំខែ​បង់​អោយ​សមត្ថកិច្ច​ពាក់​ពន្ធ័​រួច​អស់ហើយ ទើប​មេ​ឈ្មួញ​ម្នាក់​នេះ​ រកស៊ី​បាន​យ៉ាង​រលូន​បែបនេះ រហូតមកដល់​សព្វថ្ងៃ ។​ដោយ​ដើរ​ប្រមូល​ឈើ​គ្រប់​តំបន់​ដូចជា​ចំណុច​អូរ​ល័ក្ស ស្រុក​លំផាត់ ស្រុក​កូន​មុំ កន្លែង​ស្តុប​ឈើ​ទៅ​ពី​ខេត្ត​រតនគិរី​នៅ​ឆ្វេង​ដៃ​ភូមិ​កាចូន​ឃុំ​កា​ចូនស្រុក​វ៉ឺន​សៃ និង​ឃ្លាំង​ស្តុបក្រោយ​ហា​កាឡាក់ស៊ី​(​ក្រុង​បាន​លុង​)​។​​ឈ្មោះ វ៉ៃ ដឹកឈើ​តាម​រថយន្ត​កូរ៉េ​ក្រប​តង់​ជិត និង​ដឹក​តាម​រថយន្ត​យី​ឌុប​ដោយ​ដាក់​ដំឡូង​មី ឬ​សណ្តែក​ពី​លើ​ដើម្បី​បិទបាំង​ភ្នែក​មហាជន​ការពិត​ដឹកឈើ​ប្រណីត​យកទៅ​លក់​ប្រទេស​វៀតណាម​បាន​យ៉ាង​រលូន​។​

​ប្រជាពលរដ្ឋ​និង​ឈ្មួញ​ឈើ​តូចតាច​រិះគន់ថា ឈ្មោះ​វ៉ៃ​ដឹកជញ្ជូន​ឈើ​ប្រណីត​បាន​យ៉ាង​រលូន​ដោយ​បង់​ថវិការ​ជូន​លោក​កែប​កត់​នាយ​ខណ្ឌ​រដ្ឋបាល​ព្រៃឈើ​រតនគិរី​និង​លោក​ថង​សាវុន​អភិបាលខេត្ត​រតនគិរី​រាប់​ម៉ឺន​ដុល្លា​ទើប​គ្មាន​ការទប់ស្កាត់ បណ្តាល​ឲ្យ​ផ្លូវ​ខូចខាត​ផ្លូវថ្នល​ដោយសារ​ការដឹកជញ្ជូន​លើស​ទម្ងន់​រដ្ឋ​ខាតបង់​ថវិការ​ជាតិ​រាប់​ម៉ី​ន​ដុល្លា​ក្នុង​១​ឆ្នាំៗ​ដើម្បី​ធ្វើ​ផ្លូវ ។​​ក្រុមអ្នកតាមដាន​បទ​ល្មើស​ព្រៃឈើ​បាន​លើកឡើងថា​បើ​អាជ្ញាធរ​ពាក់ព័ន្ធ​មិន​យកចិត្តទុកដាក់​បង្ក្រាប​អោយមាន​ប្រសិទ្ធិភាព​នោះ​ទេ​ព្រៃឈើ​ស្រុក​ខ្មែរ​និង​វិនាស​អន្តរាយ​ក្នុងពេល​ដ៏​​ខ្លី​ខាងមុខនេះ​ជាក់​ជា​មិនខាន​ថែមទាំង​​ជួប​គ្រោះ​ម​ហ​ត្តរា​យ​ភាព​រាំងស្ងួត​ទឹកជំនន់​រន្ទះបាញ់​ខ្យល់ក​ន្ទ្រា​ក់ ។​ល​។​

​ប្រពល​រដ្ឋ​ធ្វើ​ការ​សុំណូមពរ​ដល់​ឯកឩត្តម វេង សាខុន រដ្ឋមន្ត្រី​ក្រសួង​កសិកម្ម​និង ឯកឧត្តម ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ​ដាក់​ការតាមដាន​ស៊ើបអង្កេត​ចាប់​ជន​ប្រព្រឹត្ត​អំពើពុករលួយ​ផ្ដន្ទាទោស​តាម​ច្បាប់​ដើម្បី​ប្រយោជន៍​ជាតិ​និង​ទុក​គំរូ​ដល់​ជន់​ដទៃទៀត​។​​ពាក់​ពន្ធ័​ករណី​ខាងលើ សារព័ត៏មាន​យើង​មិន​អាច​សុំ​ការបំភ្លឺ​ពី​រ​លោក​កែប​កត់​នាយ​ខណ្ឌ​រដ្ឋបាល​ព្រៃឈើ​និង​លោក​ថង​សាវុន​អភិបាលខេត្ត​រតនគីរី​បាន​នោះ​ទេ​ព្រោះ​គ្មាន​លេខ​ទូរ​សព្ទ័​ទំនាក់ទំនង​ដោយឡែក​លោក​វៃ​ឈ្មួញ​ឈើ​ខ​ល​ចូល​ជា​ច្រើន​ដង​​តែ​គ្មាន​អ្នក​ទទួល ៕​សិរសា​

 

 

 

LEAVE A REPLY

Please enter your comment!
Please enter your name here