ភ្នំពេញ៖ជនសង្ស័យម្នាក់តែងតែធ្វើសកម្មភាពលួចឆក់ប្លន់យ៉ាងអាណាធិបតេយ្យនោះអស់លក្ខណ៍ជាប់អន្ទាក់កម្លាំងនគរបាលប៉ុស្តិ៍ស្រះចកយកមកកសាងសំណុំរឿងបញ្ជូនទៅអធិការខណ្ឌខណៈដែលជននេះធ្វើសកម្មភាពលួចឆក់ទូរស័ព្ទដៃរបស់ជនរងគ្រោះ។ហេតុការណ៍នេះបានកើតឡើងកាលពីវេលាម៉ោង១៩:២០នាទីយប់ថ្ងៃទី២៦ខែមិនាឆ្នាំ២០១៧ស្ថិតនៅចំណុចមុខសាលាក្រុងភ្នំពេញផ្លូវព្រះមុន្នីវង្យភូមិ៦សង្កាត់ស្រះចកខណ្ឌដូនពេញរាជធានីភ្នំពេញ។ ជនសង្ស័យត្រូវឃាត់ខ្លួនឈ្មោះ គឹម វិសួ ភេទប្រុសអាយុ២៣ឆ្នាំជនជាតិខ្មែរមុខរបរមិនប្រាកដមានទីលំនៅផ្ទះជួលប្លុកបូរីកីឡាសង្កាត់វាលវង់ខណ្ឌ៧មករា រាជធានីភ្នំពេញ។ វត្ថុតាងចាប់យកបាន ម៉ូតូមួយគ្រឿងម៉ាក VI SION. ពណ៌ខ្មៅពាក់ស្លាកលេខក្លែងក្លាយ ភ្នំពេញ1BC7172ជារបស់ជនសង្ស័យជិះធ្វើសកម្មភាព។ចំណែកឯជនរងគ្រោះ ឈ្មោះហ៊ន់ រ៉ាណែត ភេទស្រីអាយុ២២ឆ្នាំជនជាតិខ្មែរមុខរបរនិស្សិតមានទីលំនៅផ្ទះជួលផ្លូវលំសង្កាត់ទួលសង្កែខណ្ឌឬស្សីកែវ។ សំភារះ បាត់បង់ទូរស័ព្ទដៃមួយគ្រឿងម៉ាកអាយហ្វូន6ពណ៌ទឹកប្រាកជារបស់ជនរងគ្រោះដែលជនសង្ស័យឆក់បានបោះចោលពេលរត់គេចខ្លួន។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងបញ្ជូនទៅកាន់តុលាការចាត់ការតាមនិតិវិធី៕សារ៉េត