ភ្នំពេញ ៖យុវជនបែកថ្នាំម្នាក់ឈ្មោះ ទូច ហុច អាយុ២២ឆ្នាំ មុខរបរនិងស្នាក់នៅមិនពិតប្រាកដបានកាន់កាំបិតរត់ពេញផ្លូវរួចហើយបានរត់ចូលទៅសម្ងំក្នុងបន្ទប់ទឹករបស់ហាងលក់គ្រឿងសមុទ្រជាងមួយម៉ោងបង្កឲ្យមានការភ្ញាក់ផ្អើលដល់សមត្ថកិច្ចចុះទៅជួយអន្តរាគមន៍ កាលពីវេលាម៉ោង១១និង៣០នាទីយប់ថ្ងៃទី៥ ខែមេសា ឆ្នាំ២០១៧ តាមបណ្តោយផ្លូវ១៥៤ នៅចំណុចហាងលក់គ្រឿងសមុទ្រយីហោអយស្ទ័រហៅស៍ ស្ថិតនៅជិតរោងកុនលុច្ស ក្នុងសង្កាត់ផ្សារថ្មី៣ ខណ្ឌដូនពេញ ។
ម្ចាស់ហាងបានឱ្យដឹងថា មុនពេលកើតហេតុគាត់កំពុងតែបើកហាងលក់ដូរបានមួយសន្ទុះក្រោយមកមិនដឹងថា បុរសម្នាក់នេះមកពីណាបានរត់សំដៅចូលទៅក្នុងហាងរបស់គាត់ដោយកាន់កាំបិតបុ័ងតោមកជាមួយហើយរត់ចូលទៅសម្ងំក្នុងបន្ទប់ទឹកជាង១ម៉ោង ទាល់តែសមត្ថកិច្ចលួងលោមទើបព្រមចេញមកខាងក្រៅសមត្ថកិច្ចបានសួរថា ម៉េចបានជាចង់សម្លាប់ខ្លួន ត្រូវបានបុរសបែកថ្នាំនោះប្រាប់ថា រូបគេចង់ទៅបួសជាព្រះសង្ឃអត់នរណាជួនទៅបួស ។ ក្រោយពេលកើតហេតុបុរសដែលបែកថ្នាំត្រូវសមត្ថកិច្ចឃាត់ខ្លួនយកទៅអធិការដ្ឋានខណ្ឌដូនពេញដើម្បីរងចាំបញ្ចូនទៅកាន់មន្ទីរអប់រំ ណែនាំបន្ត ៕ អូន ធួក
