(កំពង់ឆ្នាំង)៖ នៅរសៀលថ្ងៃទី២៥ខែមេសាឆ្នាំ២០១៧មានភ្ញៀងមួយមេលាយឡំដោយខ្យល់រន្ទះបាញ់ធ្វើឲ្យមនុស្សម្នាក់ស្លាប់និងគោចំនួន២ក្បាលងាប់យ៉ាងរណូករណែលនៅកណ្ដាលវាលស្រែ។ ហេតុការណ៍នេះបានកើតឡើងនៅវេលាម៉ោង៣:៣០នាទី ថ្ងៃទី២៥ខែមេសាឆ្នាំ២០១៧នៅវាលស្រែក្រោយ ភូមិពពាលពក ឃុំគោកបន្ទាយស្រុករលាប្អៀរ ខេត្តកំពង់ឆ្នាំង។
តាមប្រភពព័ត៌មានពីកម្លាំងនគរបាលស្រុករលាប្អៀរម្នាក់បានអោយដឹងថា នៅមុនពេលកើតហេតុស្ត្រីរងគ្រោះបានដឹកគោទៅឃ្វាលឯវាលស្រែ។បន្ទាប់មកក៏ភ្លៀងធ្លាក់យ៉ាងខ្លាំងលាយឡំដោយខ្យល់រន្ទះបាញ់ចំស្រ្តីរងគ្រោះស្លាប់និងសត្វគោងាប់រណូករណែលនៅកណ្ដាលវាលស្រែ។
ក្រោយពីមានការភ្លៀងធ្លាក់រួចសមត្ថកិច្ចមូលដ្ឋានបានចុះទៅកន្លែងកើតហេតុដើម្បីធ្វើកោសល្យវិច័យព្រមទាំងប្រគល់សាកសពជនរងគ្រោះអោយទៅក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន៕សារ៉េត