ជន​សង្ស័យ​ម្នាក់​ក្នុង​ចំណោម​បក្ខពួក​២នាក់​ត្រូវ​កម្លាំង​នគរបាល​ប៉ុស្ដិ៍​ភ្នំពេញ​ថ្មី​ចាប់​ឃាត់​ខ្លួន​ពី​បទ​លួច​ទ្រព្យ​សម្បត្តិ​

0
204

 

 

 

 

 

 

ភ្នំពេញ​៖​ជន​សង្ស័យ​ម្នាក់​ក្នុង​ចំណោម​បក្ខពួក​២នាក់​ត្រូវ​កម្លាំង​នគរបាល​ប៉ុស្ដិ៍​ភ្នំពេញ​ថ្មី​ចាប់​ឃាត់​ខ្លួន​ ខណៈ​ដែល​ក្រុម​ទាំង​នេះ​ឃើញ​ជន​រងគ្រោះ​ទុក​កាបូប​លុយ​នៅ​ក្នុង​រថយន្ត​។ហេតុការណ៍​នេះ​បាន​កើត​ឡើង​កាលពីវេលា​ម៉ោង​១១:២០នាទី​ព្រឹក​ថ្ងៃ​ទី​៧ខែ​ឧសភា​ឆ្នាំ​២០១៧ ស្ថិត​នៅចំណុចតាមបណ្តោយផ្លូវ១០១៩ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។ជនសង្ស័យ​ត្រូវ​គេ​ស្គាល់​ឈ្មោះ លន់ ខេមរៈ ភេទប្រុស អាយុ២៧ឆ្នាំ មុខរបរគ្មាន ស្នាក់នៅផ្ទះគ្មានលេខ ផ្លូវបេតុង ភូមិថ្មគោល សង្កាត់ចោមចៅ ខណ្ឌពោធិសែនជ័យ។ចំណែក​ឯ​ជន​រងគ្រោះ​ត្រូវ​បាន​គេ​ស្គាល់​ឈ្មោះ អ៊ឹម សុធា ភេទប្រុស អាយុ៤១ឆ្នាំ មុខរបរម៉ៅការសំណង់ ស្នាក់ផ្ទះគ្មានលេខ ផ្លូវបេតុង ភូមិរោងចក្រ សង្កាត់ភ្នំពេញថ្មី ខណ្ឌសែនសុខ។

​តាម​ប្រភព​ព័ត៌មាន​ពី​ជនរងគ្រោះ​បាន​អោយ​ដឹង​ថា​ នៅ​មុនពេលកើតហេតុ ខ្លួន​បានបើករថយន្តរបស់ខ្លួនចេញពីផ្ទះ ក្នុងគោលបំណងទៅទិញគ្រឿងសំណង់នៅម្តុំផ្សារដីហ៊ុយ ពេល​នោះ​ខ្លួន​បាន​ទិញគ្រឿងសំណង់។បន្ទាប់​មក​បាន​បើករថយន្តរបស់ខ្លួនមកយករូបថតនៅហាងពេញចិត្ត ពេលមកដល់ហាងថតរូបបានចុះពីលើ រថយន្តរបស់ខ្លួនទៅយករូបថតនៅហាងពេញចិត្ត ដោយមិនពន្លត់ម៉ាស៊ីន​រថយន្ត​ឡើយ ស្រាប់តែមានជនសង្ស័យចំនួន០២នាក់ជិះម៉ូតូ០១គ្រឿង បានធ្វើសកម្មភាពបើកទ្វាររថយន្តរបស់ខ្លួន​ លួចយកកាបូបប្រាក់ និងទូរសព្ទ័ដៃនៅក្នុងរថយន្តភ្លាមៗ​នោះ​ខ្លួន​ឃើញបានស្រែកថាចោរៗ ហើយកម្លាំងនគរបាលប៉ុស្តិ៍ភ្នំពេញថ្មីយាមគោលដៅ កែងផ្សារដីហ៊ុយឃើញក៏បានធ្វើការឃាត់ខ្លួនជនសង្ស័យបានចំនួន០១នាក់ យកមកធ្វើការសាកសួរនៅប៉ុស្តិ៍ភ្នំពេញថ្មីព្រម​ទាំង​ដក​ហូត​កាបូបស្ពាយពណ៌ខ្មៅ ចំនួន០១ មានលុយចំនួន ១០០០ដុល្លា ទូរសព្ទ័ដៃអាយហ្វូន ចំនួន០២ គ្រឿង និងទូរសព្ទ័ណូគាចំនួន០១គ្រឿងទៀត​ផង​។ ចំណែកបក្សពួកជនសង្ស័យចំនួន ០១នាក់ទៀតបានជិះម៉ូតូគេចខ្លួន ។
បច្ចុប្បន្ន​នេះ​ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បី​សាក​សួរ​និង​កសាង​សំណុំ​រឿង​បញ្ជូន​ទៅ​កាន់​តុលាការ​ចាត់ការ​តាម​ផ្លូវ​ច្បាប់​៕​ សារ៉េត​

 

 

 

LEAVE A REPLY

Please enter your comment!
Please enter your name here