កម្លាំង​ជម្រុះ​ខណ្ឌ​ច្បារ​អំពៅ​ដាក់​គោលដៅ​ត្រួតពិនិត្យ​អាវុធ​ជាតិ​ផ្ទុះ​និង​ជាតិ​ស្រវឹង​ចាប់​ឃាត់​ខ្លួន​ជនសង្ស័យ​គ្រឿងញៀន​

0
186

 

 

 

 

 

 

 

ភ្នំពេញ​៖​ក្រោយ​ការ​ធ្វើ​សហការ​បង្ក្រាបទប់​ស្កាត់​បទល្មើស​ទទួល​បញ្ជា​ពី​លោក​ នាយ​ឧត្ដមសេនីយ៍​ ជួន​ សុវណ្ណ​ ជា​អគ្គស្នងការ​រង​នគរបាល​ជាតិ​ហើយ​ជា​ស្នងការ​នគរបាល​រាជធានី​ភ្នំពេញ​ កម្លាំង​ចម្រុះ នៃគណៈបញ្ជាការឯកភាពខណ្ឌច្បារ អំពៅ ដឹកនាំដោយលោក ថេង សុថុល អភិបាលរង ខណ្ឌច្បារអំពៅ រួមមានកម្លាំងសាលាខណ្ឌ, នគរបាលខណ្ឌ, កងរាជអាវុធហត្ថខណ្ឌច្បារ អំពៅ, កម្លាំងសាលាសង្កាត់ និងប៉ុស្តិ៍វាលស្បូវ បានដាក់គោលដៅត្រួតពិនិត្យអាវុធជាតិផ្ទុះ នៅចំណុចមុខវត្តវាលស្បូវ ផ្លូវជាតិលេខ១ ភូមិស្វាយតាអុក១ សង្កាត់វាលស្បូវ ខណ្ឌច្បារអំពៅ​។កាលពីថ្ងៃទី ០៨​ខែ​ឧសភា​ឆ្នាំ​ ២០១៧ ម៉ោង២១និង០០នាទីយប់​ចាប់​ឃាត់ជនសង្ស័យ២នាក់ ឈ្មោះ សាន រាមសា ភេទប្រុស អាយុ២៧ឆ្នាំ ជាតិខ្មែរ មុខរបរគ្មាន ស្នាក់នៅផ្ទះ៨ ភូមិក្តីតាកុយ សង្កាត់វាលស្បូវ ខណ្ឌច្បារអំពៅ​ និងឈ្មោះ រស់ ដាលី ភេទប្រុស អាយុ ២៩ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះ៣១២ ភូមិទួលត្នោត ឃុំគរគីរ ស្រុកកៀនស្វាយ ។​ ដោយ​ជិះម៉ូតូ០១គ្រឿង ម៉ាកViva ពណ៌ខ្មៅ ពាក់ស្លាកលេខ ភ្នំពេញ ១Y-១០៣៧ លេខតួ-លេខម៉ាស៊ីន ៣៤២២០៧ មកដល់គោលដៅខាងលើ សមត្ថកិច្ចចម្រុះក៏ឃាត់ត្រួតពិនិត្យរកឃើញក្រាម ពណ៌សថ្លា (សង្ស័យជាគ្រឿងញៀន) សរុប៦០កញ្ចប់ (១០កញ្ចប់ថង់ធំល្មម,៥០កញ្ចប់ថង់តូច) ជារបស់ ជនសង្ស័យឈ្មោះ សាន រាមសា (១០កញ្ចប់ថង់ធំល្មម,១០កញ្ចប់ថង់តូច), ជារបស់ជនសង្ស័យឈ្មោះ រស់ ដាលី (៤០កញ្ចប់ថង់តូច) នៅជាប់ខ្លួនជនសង្ស័យទាំង០២នាក់, លុយខ្មែរ២៣ម៉ឺនរៀល, លុយដុល្លារ ៦០១ដុល្លារ, លុយបាត ២៥០បាត, កូនកាបូប២ និងទូរស័ព្ទដៃ ១គ្រឿង ម៉ាកសាមសុង ពណ៌ស ។

បច្ចុប្បន្នជនសង្ស័យទាំង២នាក់ និងវត្ថុតាងត្រូវ​បាន​ឃាត់ខ្លួននៅអធិការដ្ឋាននគរបាលខណ្ឌច្បារអំពៅ​ដើម្បី​សាក​សួរ​និង​កសាង​សំណុំ​រឿង​បញ្ជូន​ទៅ​កាន់​តុលាការ​ចាត់ការ​តាម​ផ្លូវ​ច្បាប់​៕​សារ៉េត​

 

 

 

 

LEAVE A REPLY

Please enter your comment!
Please enter your name here