ភ្នំពេញ៖ នៅរសៀលថ្ងៃថ្ងៃទី១១ខែឧសភាឆ្នាំ២០១៧ វេលាម៉ោង១៥:០០នាទី លោកឧត្តមសេនីយ៍ត្រីសេង សុគន្ធ ស្នងការរង ទទួលផែនគ្រប់គ្រងធនធានមនុស្ស ទទួលខុសត្រូវដឹកនាំការងារនៅអធិការដ្ឋាននគរបាលខណ្ឌមានជ័យ តំណាងដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ជួន សុវណ្ណ អគ្គស្នងការរងនិងជាស្នងការនគរបាលរាជធានីភ្នំពេញ បានមកចូលរួមគោរពវិញ្ញាណខក្ខសពលោកអនុសេនីយ៍ឯក ឡោ លីនណូ អត្តលេខ ២៦៧៨៨ (អតីតនាយប៉ុស្តិ៍នគរបាលរដ្ឋ បាលចាក់អង្រែក្រោម ) បច្ចុប្បន្ន មន្រ្តីផ្នែកសេនាធិការ នៃអធិការដ្ឋាននគរបាលខណ្ឌមានជ័យ ដែលបានទទួលមរណៈភាពកាលពីថ្ងៃទី១០-០៥-២០១៧ វេលាម៉ោង០៦ម៉១០នាទីព្រឹក ដោយរោគាពាធ (ជម្ងឺដុះសាច់ក្នុងខួរក្បាល) ក្នុងនោះក៏បាននាំយកថវិកាសមាគមមិត្តនគរបាលជាតិ ចំនួន ៤,០០០,០០០រៀល (បួនលានរៀល) ជូនដល់គ្រួសារសព ព្រមទាំងបំពាក់ឋានន្តរសក្កិថ្នាក់វរសេនីយ៍ត្រី ជូនដល់សពលោកអនុសេនីយ៍ឯក ឡោ លីនណូ ជាកិច្ចបច្ឆាមរណៈដើម្បីជូនកុសលផលបុណ្យដល់សាកសពលាចាកលោកនេះទៅលោកខាងមុខជួបប្រទះនឹងសេចក្ដីសុខជារៀងរហូតតទៅ៕សារ៉េត