ខេត្តកណ្តាល៖បុរសម្នាក់តូចចិត្តខ្លួនឯងធ្វើការចិញ្ចឹមជីវិតមិនកើតចងកសម្លាប់និងធ្នឹមផ្ទះ។ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង០៣:០០នាទីរំលងអាធ្រាត្រឈានថ្ងៃទី១៧ខែឧសភាឆ្នាំ២០១៧ស្ថិតនៅត្រង់ចំណុចនៅលើផ្ទះជនរងគ្រោះស្ថិតនៅភូមិជ្រោយតាប៉ាក្នុងឃុំគគីរស្រុកកៀនស្វាយ។
ជនរងគ្រោះឈ្មោះ ស្រេង សារិទ្ធភេទប្រុសអាយុ៣១ឆ្នាំមុខ របរកសិករនិងរស់នៅភូមិឃុំកើតហេតុ។
តាមប្រភពព័ត៌មានពីលោក វ៉េ កុសលនាយប៉ុស្តិ៍គគីរបានឱ្យដឹងថានៅមុនពេលកើតហេតុបងស្រីរបស់ជនរងគ្រោះឈ្មោះស្រេង សាវឿន ភេទស្រីអាយុ៣៧ឆ្នាំ។ ជារៀងរាល់ថ្ងៃគាត់តែងតែកេងខាងក្រោមផ្ទះជាប្រចាំ ដោយឡែកជនរងគ្រោះដេកនៅលើផ្ទះ ខណៈនោះបងស្រីរបស់ជនរងគ្រោះដឹងខ្លួនឡើងឃើញអំពូលភ្លើងភ្លឺ ក៏មានការងឿងឆ្ងល់បានឡើងទៅផ្ទះស្រាប់តែឃើញជនរងចងកសម្លាប់ខ្លួននៅធ្នឹមផ្ទះបាយស្លាប់បាត់ទៅ។
តាមប្រភពព័ត៌មានពីបងស្រីរបស់ជនរងគ្រោះបានរៀបរាប់ទាំងទឹកភ្នែករលីងរលោងថា កាលកន្លងមកជនរងគ្រោះមានវិបត្តិផ្លូវចិត្តដោយសារបើករថយន្តជួបគ្រោះចរាចរណ៍ក៍ឈប់បើករថយន្តហើយធ្លាក់ខ្លួនឈឺមកសម្រាកនៅផ្ទះជាមួយបងស្រាប់តែចងកសម្លាប់ខ្លួនតែម្តង។
ក្រោយពីកើតហេតុសមត្ថកិច្ចជំុនាញ បច្ចេក ទេស ស្រុកបានចុះទៅធ្វើការត្រួតពិនិត្យឃើញថាជនរងគ្រោះពិតជាចងកសម្លាប់ខ្លួនឯង ម៉ែន ហើយបានប្រគល់សាកសពជូនក្រុមគ្រួសារធ្វើបុណ្យតាមប្រពៃណី៕សិរសា