ភ្នំពេញ៖ នារីម្នាក់រងរបួសកន្រាក់ដៃកន្រាក់ជើង ដោយសាជិះម៉ូតូ ត្រូវម៉ូតូមួយគ្រឿងទៀតជិះមកកៀរបណ្តាលអោយរងរបួសធ្ងន់នឹងម្នាក់ទៀត រងរបួសស្រាល។ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង ៦នឹង២០នាទីល្ងាចថ្ងៃទី១៨ ខែឧសភាឆ្នាំ២០១៧ ទុលមុខវត្តតិក្ខប្បញ្ញោ ស្ថិតនៅតាមបណ្តោយផ្លូវទំនប់កប់ស្រូវ ភូមិសំរោង សង្កាត់សំរោងក្រោមខណ្ឌពោធិ៍សែនជ័យ។
នារីរងគ្រោះខាងលើមិនត្រូវបានគេស្គាល់ឈ្មោះ នោះទេ ស្នាក់នៅភូមិត្រពាំងអញ្ចាញ១ សង្កាត់ ត្រពាំងក្រសាំងខណ្ឌពោធិ៍សែនជ័យ ដោយជិះម៉ូតូម៉ាក TODAY ពណ៌ត្រួយចេក ពាក់ស្លាក លេខភ្នំពេញ 1.DO5074 នឹងក្មេងជំទង់ម្នាក់ទៀត។
តាមប្រភពពត៌មានពីកន្លែងកើតហេតុ បាននិយាយថា មុនពេលកើតហេតុ គេឃើញនារីរងគ្រោះជិះម៉ូតូមួយគ្រឿងនិងអ្នករួមដំណើរម្នាក់ទៀត ធ្វើដំណើរតាមបណ្ដោយផ្លូវទំនប់កប់ស្រូវក្នុងទិសដៅពីត្បូងទៅ ជើង ជិះតិចៗអែបកៀន។ខណៈនោះក៏មានម៉ូតូម៉ាកវីវ៉ា ពណ៌ខ្មៅ បើកដោយបុរសម្នាក់ដោយមិនចាំស្លាកលេខបានបទស្តាំចូលតាមថ្លោង ទ្វា វត្ត តិក្ខប្បញ្ញោ ពារម៉ូតូរបស់រងគ្រោះ បណ្តាលអោយដួល បោកនិង ថ្នល់ដួលសន្លប់ម្នាក់ នឹងស្រាលម្នាក់។ចំណែកម៉ូតូបង្កហេតុមិនដួលទេថែមទាំងបន្ថែមល្បឿនបើករត់យ៉ាងលឿន បាត់ស្រមោលសូន្យឈឹង។
តាមប្រភពដដែលបានបន្តទៀតថា ខណៈដែលជនរងគ្រោះដួល គឺមិនធ្ងន់ធ្ងរប៉ុន្មានទេ ប៉ុន្តែដោយនារីរងគ្រោះ មិនបានពាក់មួក សុវត្ថភាពដែលបណ្តាលអោយបោកក្បាលនិងថ្មចិញ្ចើមផ្លូវទើបមានអាការះកន្រាក់ដៃកន្រាក់ជើងប្រកាច់យ៉ាងខ្លាំងបែបនេះ។បើតាមប្រភពពត៌មានពីក្រុមគ្រួសារ បាននិយាយថា នារីរងគ្រោះខាងលើ គឺមាន ជំងឺប្រព័នប្រសាទដែលតែងតែប្រកាច់ជាញឹកញយ ។
ក្រោយពេលកើតហេតុនារីរងគ្រោះខាងលើដោយឃើញ មានអាការះប្រកាច់ដូចសព្វដង ក្រុមគ្រួសាររបស់នារីរងគ្រោះលើកដាក់លើរម៉កកងបី យកទៅផ្ទះនឹងធ្វើចលនា។ចំណែកម៉ូតូរងគ្រោះត្រូវបានសមត្ថកិច្ចប្រគល់អោយក្រុមគ្រួសារយកទៅភ្លាមៗផងដែរ៕សិរសា