ខេត្តកណ្ដាល៖ បុរសម្នាក់ជិះម៉ូតូឆ្លងផ្លូវត្រូវរថយន្តបុកពេញទំហឹងបណ្ដាលឲ្យសន្លប់ស្ដូកស្ដឹងត្រូវរថយន្តសង្គ្រោះដឹកយកទៅព្យាបាលនៅមន្ទីរពេទ្យភ្លាមៗ។ហេតុការណ៍នេះបានកើតឡើងកាលពីវេលាម៉ោង១៧:៣០នាទីល្ងាចថ្ងៃទី៣០ខែឧសភាឆ្នាំ២០១៧ស្ថិតនៅតាមបណ្ដោយផ្លូវជាតិលេខ១ក្នុងភូមិទួលក្របៅ ឃុំគគីរស្រុកកៀនស្វាយ។
ម្ចាស់ម៉ូតូឈ្មោះជា ង៉ុយ ភេទប្រុសអាយុ៣២ឆ្នាំជនជាតិខ្មែរ មុខរបរកម្មករសំណង់ មានទីលំនៅភូមិជយ័ឧត្ដម ឃុំសំរោងធំ ស្រុកកៀនស្វាយ ខេត្តកណ្ដាល។ដោយបើកបរម៉ូតូមួយគ្រឿងម៉ាក់ស៊ុយសូគីស្មាស់ពណ៌ខ្មៅ ពាក់ស្លាកលេខភ្នំពេញ1T.7702។ចំណែកឯអ្នកបើកបររថយន្ដឈ្មោះFU CHAOHUI ភេទប្រុសអាយុ៤៤ឆ្នាំជនជាតិចិនស្នាក់នៅភូមិកំពង់ព្រាង ឃុំសិត្បូ ស្រុកស្អាងខេត្តកណ្ដាល។ដោយបើកបរ រថរយន្តមួយគ្រឿងម៉ាក់ Toyota Prius ពណ៌ស្ក មួយគ្រឿងពាក់ស្លាក់លេខភ្នំពេញ2R.8641។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូមួយគ្រឿងធ្វើដំណើរតាមបណ្ដោយផ្លូវជាតិលេខ១ក្នុងទិសដៅពីលិចទៅកើត(ភ្នំពេញទៅអ្នកលឿងទៅ)។លុះមកដល់កន្លែងកើតហេតុស្រាប់តែអ្នកជិះម៉ូតូឆ្លងថ្នល់តែឆ្លងមិនផុតក៏ត្រូវរថយន្តមួយគ្រឿងប្រភេទ TOYOTA PRIUSបើកបរបញ្ច្រាស់ទិសគ្នាបុកបណ្ដាលអោយជនរងគ្រោះរងរបួសធ្ងន់។ក្រោយពីកើតហេតុគេឃើញកម្លាំងនគរបាលប៉ុស្ដិ៍មូលដ្ឋានចុះទៅកន្លែងកើតដើម្បីធ្វើចរាចរណ៍ព្រមទាំងទំនាក់ទំនងហៅរថយន្តសង្គ្រោះដឹកជនរងគ្រោះទៅព្យាបាលនៅមន្ទីរពេទ្យភ្លាមៗ។ដោយឡែកម៉ូតូជនរងគ្រោះនិងរថយន្តត្រូវបានកម្លាំងនគរបាលប៉ុស្ដិ៍មូលដ្ឋានប្រគល់អោយនគរបាលជំនាញនៃអធិការស្រុកកៀនស្វាយយកទៅរក្សាទុករងចាំការដោះស្រាយនូវពេលក្រោយ៕សារ៉េត