អ្នកទោស៥នាក់ហែកគុកខេត្តកំពង់ស្ពឺរត់រួចទាំងកណ្តាលអធ្រាត្រ

0
177

កំពង់ស្ពឺៈ កាលពីយប់មិញនៅខេត្តកំពង់ស្មានអ្នកទោស៥នាក់ ដែលមានទោសឧក្រិដ្ឋបានហែកគុករត់រួចទៀតហើ​យ ខណៈមន្រ្តីយាមកាមមិន​ដិតដល់​។

បើតាមមន្រ្តីពន្ធនាគារមួយរូបបានប្រាប់ថា​ អ្នកទោស៥នាក់ ដែលមានកម្រិតទោសធ្ងន់ធ្ងរ​ កាលពីយប់មិញ​ បានហែកគុករត់ចេញពីពន្ធនាគារខេត្តកំពង់ស្ពឺ​ ស្ថិតនៅភូមិទួលគោក​ សង្កាត់ស្វាយក្រវ៉ាន់​ ក្រុងច្បារមន​ ខេត្តកំពង់ស្ពឺ​ ។

លោក​ សុន​ សំណាង​ អ្នកយាមទ្វារពន្ធនាគារ​ បានប្រាប់ ថា​ អ្នកយកព័ត៌មាន​ មិនអាចដឹងរឿងផ្ទៃក្នុងពន្ធនាគារខេត្តកំពង់ស្ពឺឡើយ​ បន្ទាប់មកលោកក៏បានរារាំងអ្នកសារព័ត៌មានមិនឲ្យយកព័ត)មាននេះ​ ។ ការឆ្លើយតបបែបនេះ​ ខណៈដែលអ្នកសារព័ត៌មាន​ បានចុះទៅផ្តិតយករូបភាពមុខពន្ធនាគារ​ ខេត្តកំពង់ស្ពឺ​ កាលពីព្រឹកថ្ងៃទី ២០ មិថុនា​។

 

ប្រធានពន្ធនាគារ​ ខេត្តកំពង់ស្ពឺ​ លោក​ កាក់​ សវ៉ុន​ នៅព្រឹកថ្ងៃទី២០ មិថុនា​ ២០១៧នេះ​ បានប្រាប់ ថា​ ពិតជាមានអ្នកទោសហែកគុករត់រួច៥នាក់មែន​កាលពីយប់មិញមែន​ គឺ នៅចន្លោះម៉ោង២-៣យប់រំលងអធ្រាត្រ​ឈានចូលថ្ងៃទី២០ មិថុនាដោយធ្វើសកម្មភាពគាស់ពិដានដំបូល​ បន្ទាប់មកក៏លូនរត់ចេញតែម្តង​។

ប្រធានពន្ធនាគាររូបនេះបានបញ្ជាក់ថា​ ពេលនេះសមត្ថកិច្ច និងតុលាការកំពុងតាមចាប់ខ្លួនពួកគេមកវិញ​ ទី១​ ឈ្មោះ​ កែវ​ ឯម ភេទប្រុស​ អាយុ៤៧ឆ្នាំ​ ឃុំខ្លួនពីបទប្លន់​។​ ទី២​ ឈ្មោះ​ ឃុន​ សុខភឿន​ ភេទប្រុស​ អាយុ៣១ឆ្នាំ​ ឃុំខ្លួនពីបទ​ជួញដូរគ្រឿងញៀន​។​ ទី៣​ ឈ្មោះ​ ស៊ុម​ ម៉ូច​ ភេទប្រុស​ អាយុ៣២ឆ្នាំ ឃុំខ្លួនពីបទមនុស្សឃាត​។​ ទី៤​ ឈ្មោះ​ រុន​ រ៉ានី​ ភេទប្រុស​ អាយុ​២២ឆ្នាំ​ ឃុំខ្លួនពីបទ​ជួញដូរគ្រឿងញៀន​ និងទី៥​ ឈ្មោះ ឡុង​ ប៊ុនណាត​ ភេទប្រុស​ អាយុ​៣០ឆ្នាំ​ ឃុំខ្លួនពីបទជួញដូរគ្រឿងញៀន​ ៕ ប្រសើរ

LEAVE A REPLY

Please enter your comment!
Please enter your name here