ភ្នំពេញៈ បុរសម្នាក់ម្នាក់ បានបាត់បង់ជីវិតភ្លាមនៅនឹងកន្លែងហេតុ បន្ទាប់ពីរូបគាត់ជិះម៉ូតូម៉ាកអាយខនមួយគ្រឿង បានទៅប៉ះដៃចង្កូតជាមួយម៉ូតូមួយគ្រឿងទៀតមិនចាំម៉ាក ស្របពេលនោះក៏មានរថយន្តកុងតឺន័រ មកដល់ចាប់ហ្រ្វាំងមិនទាន់កិនតែម្ដង កាលពីវេលាម៉ោងម៉ោង៧និង៤០នាទីយប់ថ្ងៃទី២១ ខែមិថុនា ឆ្នាំ២០១៧ ស្ថិតនៅតាមបណ្តោយផ្លូវវេងស្រេង មុខកុងស៊ីកាប់ជ្រូក ខាងកើតលូ៥ជាង១០០ម៉ែត្រ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។
សាក្សីបានឲ្យដឹងថា មុនពេលកើតហេតុ គេឃើញបុរសរងគ្រោះបានជិះម៉ូតូមួយគ្រឿងម៉ាកហុងដា អាយខុន ពាក់ស្លាកលេខ ភ្នំពេញ 1AA.7854 ពណ៌ខៀវលាយស ជិះតាមបណ្តោយផ្លូវវេងស្រេងពីកើតទៅលិច បើកយ៉ាងលឿនមកដល់ចំណុចកុងស៊ីកាប់ជ្រូក ក៏វ៉ាម៉ូតូមួយគ្រឿងហើយក៏ទាក់ដៃចង្កូតដួល ខណៈនោះក៏មានរថយន្តកុងតឺន័រ១គ្រឿងម៉ាក ហ៊ីយ៉ានដាយ ពណ៌ទឹកប្រាក់ពាក់លេខខាងក្រោយ ព្រះសីហនុ 4A.0852 ខាងមុខស្លាកលេខ ព្រះសីហនុ3A.2694 ក្រុមហ៊ុន ផែស្ងួន អូលែរ បានកិនបុរសរងគ្រោះខាងលើបែកក្បាលស្លាប់មួយរំពេច ភ្លាមនោះរថយន្តបើករត់១គីឡូដី ទើបឈប់ចុះចតរថយន្តនៅមុខរោងចក្រកាណាឌីយ៉ា តែអ្នកបើកបររត់បាត់។
សាកសពត្រូវបានគេស្គាល់ឈ្មោះ នៀ សាវាត មានអាយុ៣៦ឆ្នាំ មុខរបរ ធ្វើការរោងចក្រមានប្រពន្ធកូនមួយ។មានទីលំនៅផ្ទះជួលម្តុំវត្តអង្គតាមិញ មានស្រុកកំណើតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញហើយក្រោយមកសាច់ញាតិឲ្យរថយន្តដឹកយកទៅតម្កល់ទុកនៅវត្តទឹកថ្លា ដើម្បីធ្វើបុណ្យទៅតាមប្រពៃណី ៕ អូន ធួក
