ភ្នំពេញ៖ កម្លាំងនគរបាលខណ្ឌច្បារអំពៅដើរល្បាតនៅក្នុងមូលដ្ឋានតាមដានស្រាវជ្រាវទប់ស្កាត់បទល្មើសកុំអោយមានកើតឡើងក៏ឃើញជនសង្ស័យម្នាក់មានសារធាតុញៀនមួយកញ្ចប់នៅនឹងកន្លែង។ហេតុការណ៍នេះបានកើតឡើងកាលពីវេលាម៉ោង១៩:០០នាទីយប់ថ្ងៃទី២៦ខែមិថុនាឆ្នាំ២០១៧ស្ថិតនៅចំណុចមុខដីឡូត៍គ្មានលេខ ផ្លូវ បេតុង ភូមិបឹងឈូក សង្កាត់និរោធ ខណ្ឌ ច្បារអំពៅ។
ជនសង្ស័យឈ្មោះក្វាន់ ផៃនីឡា ភេទ ប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិតាង៉ៅក្រោម សង្កាត់និរោធ ខណ្ឌច្បារអំពៅ។ដកហូតបានវត្ថុតាង ក្រាមពណ៌សថ្លា (សង្ស័យជាគ្រឿងញៀន) ០១កញ្ចប់ថង់តូច។
បច្ចុប្បន្ន ជនសង្ស័យ រួមនិងវត្ថុតាង ឃាត់ខ្លួន នៅអធិការដ្ឋាននគរបាលខណ្ឌច្បារអំពៅ៕សារ៉េត