ភ្នំពេញ៖ជនសង្ស័យម្នាក់ត្រូវកម្លាំងនគរបាលខណ្ឌទួលគោកចាប់ឃាត់ខ្លួន ខណៈដែលធ្វើសកម្មភាពលួចកាច់កម៉ូតូគេនៅសង្កាត់ក្រាំងធ្នង់ ខណ្ឌសែនសុខ ភ្នំពេញ រហូតដល់ខណ្ឌទួលគោកទើបកម្លាំងនគរបាលចាប់បាន។ហេតុការណ៍នេះបានកើតឡើងកាលថ្ងៃទី០២ ខែកក្កដា ឆ្នាំ២០១៧ វេលាម៉ោង ៩:៣០ នាទីព្រឹកស្ថិតនៅចំណុចផ្លូវលេខ២៦១ កែងផ្លូវលេខ១៤៦ ក្រុម ទី២៩ ភូមិ១០ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ដោយប្រព្រឹត្តនៅចំណុចផ្លូវ បេ តុង ភូមិក្រាំងអង្រង ក្រុមទី៧ សង្កាត់ក្រាំងធ្នង់ ខណ្ឌ សែនសុខ រាជធានីភ្នំពេញ។កាលពីថ្ងៃទី០១ ខែកក្កដា ឆ្នាំ២០១៧ វេលាម៉ោង៩:៣០នាទីព្រឹក។
ជនសង្ស័យឈ្មោះ ព្រឹម សត្យា ហៅ ត្យា ភេទប្រុស អាយុ ២២ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់ នៅផ្ទះជួល ភូមិគោកឃ្លាង សង្កាត់ភ្នំពេញថ្មី ខណ្ឌសែន សុខរាជធានីភ្នំពេញ។ចំណែកឯជនរងគ្រោះឈ្មោះ មី ចក់ ភេទប្រុស អាយុ ៤២ឆ្នាំ ជនជាតិខ្មែរ មុខរបរ លក់ដូរ ស្នាក់នៅផ្ទះគ្មានលេខ ផ្លូវ បេតុង ភូមិក្រាំងអង្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញម៉ូតូដែលជនសង្ស័យធ្វើសកម្មភាពលួចកាច់កមួយគ្រឿងម៉ាក Honda C125 ពណ៌ខ្មៅ ស៊េរី20 11 ពាក់ស្លាកលេខភ្នំពេញ 1AV-5060 មានលេខតួ និងលេខម៉ាស៊ីន 8572140 ( ជាម៉ូតូជនរងគ្រោះ )។
តាមប្រភពព៌ត៌មានពីកម្លាំងនគរបាលខណ្ឌទួលគោកម្នាក់សុំមិនបញ្ចេញឈ្មោះបានអោយដឹងថា កាលថ្ងៃទី០២ ខែកក្កដា ឆ្នាំ២០១៧ កំលាំងផ្នែកនគរបាលយុត្តិធម៌ នៃអធិការដ្ឋាននគរបាល ខណ្ឌទួលគោក បានល្បាតការពារសុវត្ថិភាពនៅក្នុងមូលដ្ឋាន បានប្រទះឃើញជនសង្ស័យកំពុងជិះម៉ូតូជនរងគ្រោះខណៈនោះកម្លាំងនគរបាលខណ្ឌក៏អន្តរាគមន៌ឃាត់ជាក់ស្តែងតែម្តង ។
បច្ចុប្បន្នជនសង្ស័យ និង វត្ថុតាង បានប្រគល់អោយ នគរបាលប៉ុស្តិ៍រដ្ឋបាលក្រាំងធ្នង់ខណ្ឌសែនសុខដើម្បីចាត់ការបន្តតាមផ្លូវច្បាប់៕វាសនាសែនជ័យ